Grevê vêşanîye hepisxaneyê Xarpêtî roja 58ine de yo 

2017-12-28 14:14:31


	 

	DÊRSIM - Hepsîyê hepisxaneyê Tîpê Tyê ê Xarpêtî ke hemverê ‘qertê nasnameyan’ û tedayan dest bi grevê vêşanî kerdibî kewt roja 58ine û hema zî semedê waştişê înan bi ca bêro ti game nêameyo eştiş.

	 

	Hepsîyê hepisxaneyê Tîpê Tyê ê Xarpêtî ke hemverê  ‘qertê nasnameyî’ û tedayan dest bi grevê vêşanî kerdibî, grevê înan kewt roja 58ine. Hepsîyê koxuşê C-4 ferzkerdişê ‘qerta nasnameyan’ qebûl nêkerdî kewtî grevê bêdore, hepsîyê koxuşê D-2 û D-6 zî hîrê rojan ra reyke kewtî grevê bêdore. Grevê hepsîyan dewam keno. Hepsîyan bi resnayîşê keyeyê xo û ajansê ma rê dîyar kerdî ke, hepisxaneyî açeryayî kampê esîrgirewtişî û va caardişê ke rûmetê merdiman şiknenê û ferzkerdişê qertê nasnameyan dewam keno. Keyeyê ke şî serdayîşê heppisxaneyê Xarpêtî dîyar kerdî ke, reyna domanê xo nêdîyê û muracatê înan ê dozgerî bê netîce mendo. Hepsîyan reaksîyon hemverê ferzkerdişê ‘cilê yewreng’ dayî û vatî ke no yeno manaya bê hukmkerdiş, sucdar îlan kenê.

	 

	'Hemverê cilê yewreng vengdayîşê piştdayîşî'

	 

	Merdimê hepsîyan peynîya qiseykerdişê xo de dayî zanayîş ke eke hemverê caardişê ‘cilê yewreng’ bêvengî bibo, do teda û şîdet rê sînor nêmano û dîyar kerdî ke sey merdimê hepsîyan, xoverdayîşê ke hepsîyan dest pêkerdo ê do tebera girs bikerê. Merdimê hepsîyan eynî wextî de dayî zanayîş ke caardişê cilê yew rengan yeno manaya îşkenceyê psîkolojîk û vatî kesê ke nê caardişan kenê do çîyê bînan zî bikerê û vengdayîşê piştdayîşî kerdî.