Dewaya akademîsyenan taloqê 18ê Nîsane ame kerdiş 

2017-12-26 15:02:48


	 

	STENBOL - Roniştişê dewaya 4 akademîsyenê ke vilawikê "Ma nêbenê hemkarê nê sucan" îmzakerdiş, amî taloqkerdiş.

	 

	6in roniştişê dewaya akademîsyenê Esra Mungan, Meral Camci, Muzaffer Kaya û Kivanç Ersoyî vilawike "Ma nêbenê hemkarê nê sucan" îmza kerdî, 13in Dadgeha Cezaya Giran ya Stenbolî de amî vînayîş. Esra Mungan û avûkatî beşdarê roniştişî bî. Parlamenterê HDPî yê Stenbolî Garo Paylan û xeylê kesî roniştiş taqîb kerdî. Dimayê naskerdişê nasnameyan roniştişî dest pêkerd.

	 

	Roniştiş de Avûkat Merîç Eyyuboglu destpêk de pawitişî kerd û dadgehe ra persê Wezaretê Dade gelo destûr dayê hukmkerdişê Maddeyê 301ine ê TCKî, kerd. Avûkat Eyyuboglu, dîyar kerd ke destpêk de înan bi buroya vernê de pêvînayîş kerdê la ti cewab înan rê nêameyo dayîş û înan ra ameyo vatiş ke şima eşkenê dozgerî ra zanayîş bigîrê û wina qalî kerd: "Ma şî dozgerî. Nêzdîyê 4 rojan zanayîş nêdayê ma. Netîceyê pêvînayîşî ma yê rî bi rî de, ma fikrayayî ke wezaretî cewab dayo. La nika zî ti cewab nêameyo dayîş. Ma wazenê dosya bêro waştiş." Avûkat Zîynet Ozçelîke zî waştiş kerde ke aqûbetê destûrdayîşî bêro perskerdiş.

	 

	Dima ra serekê dadgehe qerarê xo yê mabêne eşkera kerd û roniştiş taloqê 18ê Nîsane 2018an kerd.