Awankerdoxîya cinîyan û heskerdişê xoza 

2017-12-26 13:59:46


	 

	Ronîda Hacî 

	 

	TIL TEMIR - Cinîya 59 serrî Xemê Danîla ke bi karê ramitişî eleqedar bena awankerdoxîya xo, heskerdişê xo semedê xoza winî qalî kena: "Cinî û xoza di parçeyê yewbînan ê. Xoza û cinî awankerdoxê û yewbînan ra hes kenê. Ez zî sey parçeyêke xoza bi karê ramitîşî eleqedar bena û kêfweş bena."

	 

	Xemê Danîla 59 serrî û aşûrî ya, bi karê ramitişî eleqedar bena û bajarê Tiltemirî yê girêdayê Kantonê Hesekî yê Mintiqaya Cizîre de cuyena. Xemê Danîle derheqê karê ke kena hîsê xo qalî kerde ke ramitiş beşêke bingehê semedê dewamkerdişê cuyayîşî yo û wina va: "Tarîxê merdimayî heta ewro, cinî bi ramitiş û xoza dir eleqedar a. Ez zî sey cinîyêke xozahes karê ramitişî kena. Ez zerzewatê sey bexdenûs, kelem, sîr, pîyanz û sewbînî.. ramnena. Wexto ke ez sewzeyan ramnena eynî wextî de xoza ra feyz gêna û kêfweş bena."

	 

	Xemê dîyar kerde ke bi keda xo erdê xo ramnena û heto bîn ra debara xo zî pê kena û Xemê winî ard ziwan: "Merdim wexto ke karêke bi destê xo keno hîna zêde berardiş gêno û kêfweş beno. Berardiş semedê komelêke azad û aram girîng o. No semed ra gerek heme cinî berardiş ra hes bikerê û hewl bidê ke karê xo bi destê xo bikerê."

	 

	'Ganî komel keda cinîyan rê wayîr vejyo'

	 

	Xemê qiseykerdişê xo wina qedêna: "Semedo ke keda cinîyan bingehê komelêke bi hêz saz keno, gerek komel keda cinîyan rê wayîr vejyo. Kar û xebata semedê komelêke azad û aram pîroz ê. Cinî barê nê karî dayo ser ê milê xo ganî heme merdimî wayîrê nê karî vejyê û taybetî zî cinî bieşkê vengê xo berz bikerê."