Hepisxane nê bazirganxane yo! 

2017-12-26 12:45:26


	 

	Fîlîz Zeyrek 

	 

	EDENE - Hepsîyê cinîyan dîyar kerdî ke Hepisxaneyê Tîpê T yê Tarsûsî ke her wext bi îhlalkerdişê heqan yeno rojeve bîyo sey bazirganxane û wina vatî: “Nêverdenê ma lazimîyê xo tebera bigîrê. Berardişê erjan û nêbaşan bi zor bi ma rê roşenê."

	 

	Hepisxanan de îhlalkerdişê heqan roj bi roje zêde benê.

	 

	Hepisxaneyê Tîpê T yê Tarsûsî ke her wext îhlalkerdişê heqan yeno rojeve, ame dîyarkerdiş ke îdarekarê hepisxaneyî nêverdeno hepsî lazimîyê xo tebera bikerê. berardişê erjan û nêbaş yê kantînî bi vayîke zêde roşenê hepsîyan rê. Hepsîyê cinî bi rayîrê avûkatanê xo nê zanayîşî dayî: “Bererdaişê ke hepisxane roşeno tesîrêke cidî ser ê weşîya ma de keno. Hepisxaneyî açaryayê bazirganxaneyan.”

	 

	'Hepsîyan nêvejenê revîr'

	 

	Avûkat Tugay Bekî derheqê babete de qisey kerd û va ke hepisxanan de bi reaksîyonan îhlalkerdişê heqan ameyne rojeve û wina va: "Îhlalkerdişê heqan de roj bi roje çîyê binî yenê zêdekerdiş. Hepsîyê nêweş ke ganî şêrê nêweşxane, nêbenê revîr û nêbenê nêweşxane. No halî de zî nînê dermankerdiş."

	 

	'Caardişê newe ardî'

	 

	Tugayî dewam de nê çî ardî ziwan: "Semedê keyeyê ke newe şênê pêvînayîşan, astengîyê neweyî ardî. Xêrcê merdimê merheleyê yewin nêverdenê kes pêvînayîş bikero. Pêvînayîşê hîrê embazan temamî ameyo betalkerdiş. destserdayîşê hacetê sey mektuban û rojnameyan de semedê hepsîyan problem yenê cuyayîş."

	 

	 'Berardişê xirab yenê rotiş'

	 

	Tugayî ard ziwan ke nêverdenê hepsî tebera çîyêk bigîrê û wina va: "Hepsî vanê berardişê pakîtîya semedê bedenî zaf xirab ê û ser ê bedenê înan de problemê cîya virazneno. Nimune firçeyê didanan, sabun, vera ke gerek hîjyenîk û bi weşî bê, yê ke kantîn ra vgênê didanê înan xirab keno û gonî didanê înan ra ano. Eynî wextî de rîyê înan semedê sabûnê nêbaş qeleşêno. Nê berardişê bi zor yenê rotiş. Nêverdenê tebera sîparîş bidê."

	 

	'Vengê ma bieşnawê'

	 

	Heto bîn ra hepsî hemverê caardişê kêfî yê hepisxaneyî bi reaksîyon ê. Merdimê hepsîyan ke bajarê bînan ra ameybî pêvînayîş çend deqe mendib ke pêvînayîş bêro kerdiş, bê îzahat înan ra ame vatiş ke ‘pêvînayîşo akerde ameyo betalkerdiş' eke şima wazenê şima eşkenê 15 deqeyan pêvînayîş bikerê.' Keyeyan reaksîyon hemverê nê çî dayî û vatî ganî vengê înan bêro eşnawitiş.

	 

	Merdimê hepsîyan ajansê ma rê qisey kerdî û vatî: "Her roje şert û merc xirab benê. Ma pawenê ke baş bibo la hîna xirab beno. Domanê ma binê teda de yê. Ma tersenê çîyêk bêro sereyê înan."