'Domanî fêkîyê cuyayîşî yê ma do pîya cuya înan geş bikerê' 

2017-12-24 14:04:58


	 

	QAMIŞLO - Bi munasebetê serra newa 2018ine Weqfê Cinîya Azad ê Rojawanê Kurdistanî semedê domanan şahî viraştî. 

	 

	Salona Zanaya bajarê Qamişlo ê mintiqaya Cizîre de bi munasbetê serra newa 2018ine Îdarekarîya Weqfê Cinîya Azad ê Rojawanî semedê kêfweşîya domanan bi sloganê, "Domanî fêkîyê cuyayîşî yê, ma pîya înan geş bikerê" şahîyêke viraştî. Şahîya ke amî organîzekerdiş bi desan domanî beşdar bî. 

	 

	Şahî bi deqeyêke rêzgirewtişê semedê pakrewanê azdîye dest pêkerd, dima ra Îdarekarîya Weqfê Cinîyê Azadan Axîn Amede xêrmaeyîşê kesê ke uca de amadebî kerd û va: "Her serre semedo ke ma domanan kêfweş bikerê şahîyê serra newa viraznenê. Ez bi hêvîya ke heme waştişê domanan bi ca bêrê û serra 2018ine semedê domanan bibo serrêke serkewtî." 

	 

	Şahîya ke amî viraştiş de kilamê koma Awazê Rojawanê domanan kêfweş kerdî û dima ra domanê bi nameyê cûdî û Roj kilamî vatî. Eynî wextî de kaya pers û cewabî semedê domanan ame viraştiş. 

	 

	Peynî de kalê serra newa dîyarî domanan rê ameyî vilakerdiş.