'Bi perspektîfê cinîyan yewîya neteweyî mumkun o'

2017-12-22 13:04:14


	 

	Zeynep Turgut

	 

	WAN - Bi rayberîya Kongreya Neteweyî ya Kurdistanî (KNK) xebatê ser yewîya çar perçeyê Kurdistanî dewam kenê. Endama PMî yê HDPî Nîlgun Salmanere ser yewîya neteweyî şîrove kerd û va ke bi perspektif û ewnîyayîşê cinîyê azad yewî mumkun o.

	 

	Bi rayberîya Kongreya Neteweyî ya Kurdistanî (KNK) kombîyayîş û şîroveyê ser yewîya her çar perçeyê Kurdîstanî dewam kenê. Xebatê semedê yewîya neteweyî bi rayberîya temsîlkarê partîyê sîyasî, sazgeh û rêxistinê komelî yê Kurdistanî her çar parçeyê Kurdîstanî bi şêwirkerdiş û kombîyayîşan dewam kenê.

	 

	Girîngîyê perspektîfê cinîyan

	 

	Endama PMî yê HDPî Nîlgun Salmanere derheqê yewîya neteweyî de şîrove kerde. Nîlgûne dîyar kerde ke şarê Rojhelato Mîyanîn prosesêke parçe bikerê dir yeno derbazkerdiş êvajoyeke û va ke lazim o şarê Rojhelato Mîyanîn piştdayîş bidê yewîya neteweyî û wina qisey kerde: "Rojawan de bi şorişê cinîyan çîyêke newe ame awankerdiş. Lazim o Rojhelato Mîyanîn zî bi prensîbê cinîyan newe ra bêrê dîzaynkerdiş. Lazimî esto ke cinî sey her şorişê dinya, rayberîya yewîya netewî zî bikerê. Bêguman yewîya neteweyî zî bi ewnîyayîşê cinîyan û tevgerê cinîyê azad de mumkun o."

	 

	'Hêzê yewîya netewî girîng o'

	 

	Nîlgûne peynî de bale ante ser vindertişê Barzanî û va ke Barzanî zî dî ke hêzê yewîya neteweyî xurtir o û eina va: "Gama ke DAÎŞî hêrîşê Şengalî kerd hêzê yewîya netewî vejya meydan. La Barzanî xoserîya parçeyêke bes vîneno. No prosesî de bêguman lazim o yewîya şaran bibo. Semedo ke rayîr û metodê prosesî her roje vuryeno. Bi yewî û îradeyêke xurt ma eşkenê xerîteyê heqê şaran xêz bikerê. Ameyoxê heme şaran girêdayê yewbînan o. No semed ra zî gerek ma bi baldarî nêzdîyê yewîya neteweyî bibê. "