Têkoşînê kede: Mi cuya xo bi keda xo bedilnaye

2017-12-20 13:48:37


	 

	Şehrîban Aslan 

	 

	AMED – Sîstemê serdest yê camêrdan cinîyan hepsê keyeyan keno û bi fehmêko cinsîyetê diyin nizdîyê cinîyan beno. Berardiş û xeylê karan de zî polîtîkayê cîya û dişmenî xo danê teber. Gulere vera nê fehmî de ekonomîya xo awan kerde û wina va: “Ez xo payan ser de vindena. Mi cuya xo bi keda destanê xo bedilnaye.”

	 

	Guler Aslana ke bajarê Amedî cuyena qala feydeyê xebate kerde û qiseykerdişê xo de dîyar kerde ke 15 serrîya xo ra nata xebitîyena û wina va: “Ez karê dejtişî kena. Her ke şono têkoşînê cinîyan yê vera komelê feodalî de hîna zêde beno. Xebata mi bi deştişî dest pê kerde. Badê xebate hem hetê ekonomî û hem zî hetê xobawerî de qezencê mi virazîyayî. Badê karî mi fehm kerde ke ez bi keda destê xo eşkena heme çîyan bikera û cuya xo bibedilna. Ganî heme çî re ver cinî ekonomîya xo awan bikerî.”

	 

	Gulere dewamê qiseykerdişê xo de da zanayiş ke ganî cinî wayîrê keda xo bivejîyî û wina domnaye: “Ez hem bi deştiş û hem zî viraştişê werdê keye re debara xo kena. Ez dikan de karê deştişî kena û wexto keş ona keye zî şamê keye pewjena û roşena. Ez bi no hawa debara keyeyê xo kena. Ez werdan sewbîna cayan de roşena. Ez tena xo nê, cinîyê dormeyê xo zî bi hêz kena. Ez û cîranê xo yenê têhet û ma seba averberdişê ekonomîya xo ma munaqeşeyan kenê.”