Qayûmê Qoserî Merkezê Kultur û Hunerî yê Alî Temelî girewt 

2017-12-19 14:49:28


	 

	MARDÎN - Qayûmê Şaredarîya Qoserî Ahmet Odabaşi, Merkezê Kultur û Hunerî yê ke semedê vîrardişê hunermendê kurd Alî Temel amebi akerdiş girewt. 

	 

	Qayûmê Şaredarîya Qoserî yê Mêrdînî Ahmet Odabaşi, Merkezê Kultur û Hunerî yê Alî Temelî girewt. Merkezê zerreyîn Parqê Mehmet Sîncar ê  taxa Tepebaşî de yo 22 Temmuza 2013an de hetê  Şaredarîya Qoserî yê DBPî ra amebi akerdiş û her serre perwerdeyê gîtar, saz, tîyatro, resim, keman, erbane û folklor ameyne dayîş. Ser ê padayîşê merkezê perwerdeyî zî peynî bi. Derheqê newe ra akerdişê merkezî de zanayîşê ke zelal nêame girewtiş. 

	 

	Alî Temel Kam o?

	 

	Alî Temel serra 1981an de ame tepiştiş û hepisxaneyê Amedî de mend. Temel, dimayê serra 1990 de tahlîye bi û bi Koma Çîya ke awankerdoxê ey o bi xo bi û helbestê ke xeylê xo ê ey bî qaseto bi nameyê "Rozerîn" vet. O wext de xeylê çalakî û konseran de ca girewt. Alî temelo ke wextêke zî serwîsê kultur yê Rojnameya Ozgur Ulkeyî zî xebitya, bi kilama xo ya "Şitla Azadî" ke semedê Ferhat Kurtay, Necmî Oner, Mahmut Zengîn û Eşref Anyikî ke hepisxaneyê Amedî de bedanê xo dayî verê adir û Zekîye Alkana ke bircê Amedî bedenê xo dayî verê adir hişê merdiman de ca girewt. Alî Temelo ke beşdarê PKKî bi, 13ê Temmuza 1994 de pêrodayîşêke Şemraxê mêrdînî de vejya dimayê ke birîndar bi, bombeya ser ê xo teqna û peynî cuya xo ard