'Wesayîtê zirxî açeryayî problemê asayîşî'

2017-12-19 11:49:10


	 

	MÊRDÎN - Sekretera Pêroyîya TTBî yê Mêrdînî Derya Eteme dîyar kerde ke prosesê peyîn de wesayîtê zirxî açeryayê hacetê qetilkerdişî û va wesayîtê zirxî açeryayê problemê asayîşî.

	 

	Kurdistan de di serrê peyîn de wesayîtê zirxî bî sebebê kiştiş û birîndarkerdişê bi desan kesan û hema zî kuçeyan dagir kenê. 2008 ra heta nika xeylê xo domanî 25 kesî hetê wesayîtê zirxî ra ameyî qetilkerdiş û 12 domanî zî bi giranî birîndar bî. Dimayê qetilkerdişan xeylê cigêrayîşî zî bi tahlîye, ya zî bêtaqîbkerdoxî netîce bî û hîn kesê ke bî sebebê cuya merdiman zî qet nêameyî hukmkerdiş. En peynî 19ê Teşrîna Peyêne de Mêrdîn de cinîya bi nameyê Fatma Nur Dursune wexto ke rayîr derbaz kerdêne, wesayîtê zirxî gina piro û giranî birîndar bî. Sekreterê Pêroyîyê Yewîya Tabîbê Tirkan ê Mêrdînî Derya Eteme dîyar kerde ke xebitnayîşê wesayîtê zirxî, bajarê Kurdistanî de açeryayê problemê weşîye şarî û ganî wesayîtê zirxî warê ke şar tede cuyeno nêrê xebitnayiş.

	 

	'En zaf domanî yenê kiştiş

	 

	Derya ard ziwan ke prosesê peynî de, Kurdistan de qezayê wesayîtê zirxî zêde bîyê û wina va: "Serrê peyînan de xeylê merdişî netîceyê ci de ameyî cuyayîş. En zaf zî domanî nê qezayan de yenê kiştiş. Qezayê panzere, qezayê munferît ra vejyayê.”

	 

	'Gerek lîmîtê lezkerdişî dîyarkerde bibo'

	 

	Derya peynîya qiseykerdişê xo de da zanayîş ke hedîseyê pirognayîşê wesayîtê zirxîyan qeza nîyê, problemê asayîş û weşîya şarî yê û nê çî ard ziwan: “Merdim nêeşkeno nê hedîseyan sey qezaya trafîkî şîrove bikero. Nê wesayîtê normal nîyê. Wesayîtê zirxî gerek semedê pawitişê şarî bêrê xebitnayîş. No semed ra gerek lîmîtê lezê înan dîyar bo. Ganî nêbê sebebê kiştiş û birîndarkerdişan.”