'Redkerdişê Kurdistanî yeno manaya redkerdişê Kurdan'

2017-12-17 13:55:49


	 

	 

	WAN - Parlamenterê HDPî yê Rihayî Osman Baydemîr bi sebebê pêvînayîşê butçeyî yê Meclîsî de vatib 'Kurdistan' 12 hezar lîra pereyê ceza ame birnayîş. Parlamentera HDPî ya Wanî Bedîa Ozgokçe Ertane derheqê munaqaşan de dîyar kerde ke redkerdişê Kurdistanî yeno redkerdişê Kurdan. 

	 

	Parlamenterê HDPî yê Riha Osman Baydemîrî bi sebebê pêvînayîşê butçeyê Meclîsî de va ‘Kurdistan’  12 hezar lîra pere ceza ci rê ame birnayîş. Parlamentera HDPî ya Wanî Bedîa Ozgokçe Ertane reaksîyon hemverê nêzdîbîyayîşê nîjadperest yê hemverê vatişê Kurdistanî da û va kesê vatişê Kurdistanî qedexe kenê, nêeşkenê rastîya Kurdistanî çin bihesibnê.

	 

	Bedîa wina va: "Tarîx berovajî kenê û şar qeşmerîyê xo kenê. Bi hemkarîya AKP û MHPî hemverê tarîxî bêrêzdarî yeno kerdiş. Hemverê şarê kurd bêrêzdarî yeno kerdiş. Kurdistan nameyê welatêke yo."

	 

	'Erdogan bi xo vatêne Kurdistan'

	 

	Bedîa dewam de wina va: "Serrê 2013 de Tayîp Erdoganî bixo xeylê rey vatişê Kurdistanî xebitnayo. Osman Baydemîrî semedo ke va Kurdistan rastê nêzdîbîyayîşê nîjadperestî ame. Ti manaya nê qedexeyan çin o.Yê ke vatişê Kurdistanî qedexe kenê, şarê Kurd zî çin hesibnenê. No polîtîkayêke yo. Ma nê ferasetê nêweşan qebûl nêkenê."