Vatişê serre: Femînîzm 

2017-12-14 13:36:26


	 

	MERKEZÊ XEBERAN - 'Femînîzm' serra 2017an de bi vatişê ke en zêde ci ame cigêrayîş. Ferhengê DYAyê en namdar Merrîam - Webster, Femînîzm sey vatişê serre weçîna.

	 

	Goreyê xebera ke beşê tirkî yê BBC de ame weşanayîş, ferhango namdar ê Merrîam-Webster yê DYAyî vatişê 'femînîzm' sey vatişê serre weçîna. Merrîam - Webster eleqeyê hemverê na çekûye bi rayşîyayîşê protestoyê ke hetê cinîyan ra na serre de ameyî kerdiş, bernameyê televîzyonan ê ser ê heqê cinîyan û bi teşîrkerdişê tacîzê zayendî yê hemverê cinîyan de girê da. Ferheng bi vatişê 'femînîzmî  sey teorîyê " seyyewbîyayîşê zayendî ê polîtîk, ekonomî têduştîya komelî" bi name kenê. 

	 

	Heto bîn ra goreyê ferhengî eleqeyê hemberê femînîzmî dimayê ameyîşê Donald Trumpo ê Qesra Spey û dima ra rayşîyayîşê cinîyan zêde bîyo.

	 

	Ame dîyarkerdiş ke rêzefîlmê verê romanê nuştox Margaret Atwood ameyo viraştiş ê bi nameyê 'The Handmaîd's Tale' (Hîkayeya Xizmetkarî) ke televîzyonan de ame weşenayîş zî bandure ser ê 'femînîzmî' kerdo.

	 

	Dimayê ke namdarê Hollywodî bi destdergkerdişê zayendî ke kerdê ameyê sûcdarkerdiş, bi mîlyonan cinîyan ser ê sîteyê xo yê komelî bi etîketê 'Me Too' (Ez zî)  kirdoxê desteştişê zayendî teşîr kerdî û vatişê femînîzm bi vatişê ke en zêde ser ê înternetî de ame gernayîş.

	 

	Heto bîn ra Kovara Tîme, zî cinî û camêrdê ke hemverê desteştişê zayendî vengê xo berz kerdibî sey "Kesê serre" weçînabî.