'Binê awanîyê TOKÎyê de hema bi desan cenaze estê'

2017-12-13 11:58:05


	 

	MÊRDÎN - Dimayê xoverdayîşê Îdarekerdişê xoserî beşêke pîl ê Nisêbînî ame rijnayîş. Şarî dîyar kerd ke taxê Dîcle, Firat, Yenîşehîr û Abdulkadîrpaşa hema bi desan cenazeyî binê awanîyê TOKÎ de estê. 

	 

	Qedexeyê vejyayîşê teberî yê 14ê Adara 2016 de Nisêbîn de ame îlankerdiş û 25ê Temmuza 2016 de zî beşêke ame wedartiş û aşmê vîyarte de temamî ame wedartiş. Taxê Dîcle, Firat, Yenîşehîr û Abdulkadîrpaşa ameyî rijnayîş û pêwa keyeyê ke xesar nêdîbi zî ameyî rijnayîş. Înşatê TOKÎ zî nê taxan de dewam kenê. 

	 

	Dimayê ke dest bi viraştişê awanîyan ame kerdiş, bi piştdayîşê Wezaretê Bajarwanî û Derûdorê arsayê şarî hetê TOKÎ ra ameyî xespkerdiş. Wezaretî, semedê hemwelatîyê ke semedê arsa îmza nêdayî pereyê kîra birnayî. Wezaretî semedê hemwelatîyan va: "Şima zanê ke keye nêgîrê do kesê bînî bêrê vera şima."

	 

	Hemverê madeyê teqnayîşî hîna tedbîr nêameyê girewtiş

	 

	Înşaeta qerekole verê Çemê Çag-Çagî taxa Abdulkadîrpaşa ameyo temamkerdiş û hûmara qerekolan ê taxe bale ancenê. Xurdeyê înşîaatî  ke yenê vetiş zî Taxa Dîcle de yenê vilakerdiş. Cayê dursan ke hemwelatî tede cuyenê, rojê vîyarte de bombayêke teqya û hîrê domanî birîndar bî. Pêwa gerrekerdişî hema tedbîr nêameyo girewtiş.

	 

	Warê TOKÎ de hema cenaze yenê vetiş

	 

	Heta nika warê TOKÎ de 15 cenaze ameyî vetiş. Xeylê cenazeyî goristanê bêkesan ê bajarî de ameyî definkerdiş. Goreyê şarê Nisêbînî hema bi desan cenaze warê TOKÎ de yê.