Maya Sîsê reyna wedarnayî nêweşxane

2017-12-12 15:21:59


	 

	 

	 

	MERSÎN - Maya Sîsêya 75 serrî ke bi sebebê cezaya aye ameya tesdîqkerdiş û amî tepiştiş û dima ra zî bi rîng surgunê hepisxaneyê Tîpa Tyê Tersûsî amî kerdiş, ame zanayîş ke nêweş kewta û wedarnayê nêweşxane. Avûkata maya Sîsê Gulşen Ozbeke dîyar kerde ke, pêvînayîşê ke bi maya Sîsê dir kerdê, vînena ke semedê şert û mercê hepisxaneyî halê aye xirab beno.

	 

	Sîsê Bîngole Nîsana 2016 de amîbî tepiştiş û di aşmî û nîm tepişnaye mende, dima ra amî tehlîyekerdiş. Sîsê dima ra bi îdiaya 4 serrî û aşman amî cezakerdiş. Semedê cezaya aye ame tesdîqkerdiş, 8ê Nîsane de amî tepiştiş û eşrawitî hepisxaneyê Tîpê Eyê Muşî. Sîsê rojê verê de bê zanayîşê keye û avûkatanê aye eşrawitî hepisxaneyê Tîpa Tyê Tarsusî. 

	 

	'Sazgehê Tipê Edlî rapor eksê ci amade kerd'

	 

	Avûkat Gulşen Ozbeke va pêwa nêweşî û emrê maya Sîsê yena tepiştiş û va: "Pêwa nêweşîyê giranan û emrê aye hema zî tepişnayîya. Hewl dana cuyayîşê xo dewam bikero. Nêweşîya qelbî û tnasîyone bi maya Sîsê dir estê. Semedê nêweşî bi desan rey wedarnayî nêweşxane. No prosesî de raporê weşîye ke nêeşkena nê şert û mercan de bimano ame dayîş. La sazgehê tipê Edlî eksê nê çî rapor da û va eşkena bi tena sereyê xo eşkena cuyayîşê xo dewam bikero."

	 

	Gulşene ard ziwan ke raporê ATKî nêwazena maya Sîsê şêro nêweşxane û va: "Wextê ke derg o nêşîya nêweşxane. Hewteyê verê bi hawayêke cidî zerrîya aye eşto û tansîyone aye berz bîyo û wedarnayê nêweşxane. Pêvînayîşan de merdim fam keno ke zaf zehmetî ancena. Surgun de destê aye ameybî kelepçekerdiş. Rayîr de qet nan nêdayê aye. Kesêke no emrî de ganî hepisxane de nêmano. Ganî maya Sîsê azad bibo. Ganî heme kes hemverê nê halî de hîsgêrî tê bigeyro."