Koçberî, feqîrî, cîyabîyayîş... 

2017-12-12 14:40:28


	 

	Dîlan Babat

	 

	WAN - Nîdê Eshada welatê xo ra semedê şerî koç kerd û bi hêvîyêke Wanî bi ca bî, uca de zî mecburî parsektî kena. Nîdê Eshade wina va: Semedo ke ma ziwan nêzanê û penaber ê kes kar nêdano ma."

	 

	Nîdê Esada ke semedê şerî welatê xo ra koç kerd û Wan de bi ca bî, bi parsekî debara xo kena û hîkayeya xo winî qalî kena.

	 

	'Kes kar nêdano ma'

	 

	Nîdê Eshade semedê şerê Sûrîye vejyayo, welat û viardişê xo verda û koç kerde. Hîkayeya koçberî yê  Nîdê 6 serrî verê dest pêkeno û bi 7 domananê xo dir kuçeyê Wanî têkoşînê cuyayîşî dana. Nîdê ard ziwan ke mêrdeyê aye semedê nêweşîye qelbî û problemê ziwanî nêeşkena bixebitîyo.

	 

	Nîdê keyeyê ke ameyo terkkerdiş de cuya xo dewam kena û dîyar kerde ke Tirkîya zî şerêke cîya esto. Nîdê wina dewam kerde: "Tirkîya de şert û mercê cuyayîşî zaf zehmet ê. Semedo ke ma ziwan nêzanê û sey penaberan tebera xebityenê kes kar nêdano ma."

	 

	'Înan ma bikiştêne'

	 

	Nîdê da zanayîş ke semedo ke domanê aye vêşan nêmanê parsekî kena û wina va: "Ma rastê heqeratan yenê. Mi qet nêwaştêne herre xo terk bikerî. Bi hezaran kesî merd î. Ez û domanê xo uca bimendêne, ma zî merdêne."

	 

	'Soba esta la komir çin o'

	 

	Nîdê da zanayîş ke keyeyê ke nika tede manena zaf xerabe yo û merdimî nêeşkenê tede bicuyê û qiseykerdişê winî qedêna: "Awanîya nika ma tede yê ameya terkkerdiş. Zimistan ameyo, tena sobayêke esta. Kesê gunayê înan bi domananê mi ame sobayêke dayî. La komir û kolê çin o. Semedo ke ma soba nêfînenê ta, domanê ma ma ko kenê û konê ra. Bi 6 serrî têkoşînê cuyayîşî dana. Şert û mercê cuyayîşî, xeylê zor ê û bi cuyayîşê ma sîtem kenê.”