10 aşmî derbaz bi la dosya de averşîyayîşêke çin o

2017-12-11 13:19:15


	 

	MÊRDÎN - Nisêbîn de dimayê ke pêrodayîşî ameyî cuyayîş, Havîn Guneşa 3 serrî û Fatîh Guneşo 5 serre wexto ke baxçeyê keyeyê xo de kay kerdêne, semedê teqnayîşê cîsmêke nêame zanayîş cuya xo vinî kerdî. Dosyaya ke derheqê înan de ameya akerdiş pêwa 10 aşmî derbaz bîyo zî hema ti averşîyayîş çin o.

	 

	30ê Adare de Nisêbîn de dimayê pêrodayîşî ameyî cuyayîş, Havîn Guneşa 3 serrî û Fatîh Guneşo 5 serre wexto ke baxçeyê keyeyê xo de kay kerdêne, semedê teqnayîşê cîsmêke nêame zanayîş çara ameyo cuya xo vinî kerdî. Dosyaya derheqê înan de ameya akerdiş pêwa 10 aşmî derbaz bîyo zî hema ti averşîyayîşêke çin o.

	 

	Dosyaya ameya akerdiş de xêrcê raporê otopsî çîyêk nêame bicakerdiş. Pêwa ke hedîse ser xeylê wext derbaz bîyo zî, dosyaya cigêrayîşî nêameya amadekerdiş. Dozgerî dosyaya ke ewnîyayo ci ra vato 'Xeylê kar esto ma nêeşkenê biewnê ci ra'.

	 

	'Dimayê hedîse ma reyke bîn derbazê uca nêbî'

	 

	Keyeyî derheqê hedîse de qisey kerdî û vatî zanayîşê ke çapemenî de vejyayê şaş ê û hedîse kuçeyê hewşê keyeyê înan de ameyo meydan. Eme Havîn û Fatîhî wina va: "Hedîse baxçe de ame meydan. Heme çî hîrê deqeyan de virazya. Şî baxçe û 3 deqe ra dima veng ame. Parçeyê domanan heme cayan rê vila bibi. Gonîya înan heme cayan rê vila bibî. Hedîse kuçe de nê baxçe de ame meydan. Dimayê hedîse ma derbazê a kîte nêbî. Ma rayîr bi kerreyan girewt."

	 

	'Ganî edalet cayê xo bigîro'

	 

	Maya Derya Ozer Guneş zî ard ziwan ke se beno wa bibo ganî sucdar bêrê vînayîş û wina va: "Ganê mi ra gan şi. La sûcdar nêameyî vînayîş. Ne dosya ameya amadekerdiş, ne zî sûcdar ameyî vînayîş. Ma wazenê sûcdar bêrê vînayîş. Her ca de qerekol û kamera estê. Wa înan ra biewnê. Çîyêk wa bivînê. Gelo dejêke winî çira bi mayan danê cuyayîş. Wa sucdarî bêrê vînayîş û edalet cayê xo bivîno."