Cinîya Êzidî tecrîdo giran şermezar kerd 

2017-12-09 14:28:34


	 

	Viyan Saîd/ Ahlam Hacî 

	 

	ŞENGAL - Rayberê PKKî Abdullah Ocalan 27ê Temmuze 2011 ra heta nika nêeşkeno bi avûkatanê xo dir pêvînayîş bikero. Cinîya Êzidî Marin Haso derheqê tecrîdo giran de ewnîyayîşê xo ard ziwan û dîyar kerde ke semedê aştî û azadî bi ca bêro tecrîdo giran wedarnê.

	 

	Rayberê PKKî Abdullah Ocalan 27ê Temmuze 2011an ra heta nika nêeşkeno bi avûkatanê xo dir pêvînayîş bikero. 6ê Teşrîna verêne 2016an ra heta nika zî nîno verdayîş ke bi keyeyê xo dir pêvînayîş bikero. Heto bîn ra 5ê Nîsana 2015 ra heta nika zî nîno verdayîş ke bi heyetê îmralî dir pêvînayîş bikero. Cinîya Êzidî Marin Haso ewnîyayîşê xo derheqê tecrîdê giran de winî ard ziwan: "Ez tecrîdê ser Rayber Apo şermezar kena û hêvî kena ke tecrîd wextê ke kilm de peynî bibo. Wexto ke DAÎŞî hêrîşê ma kerd,  PKKî bi hezaran Êzidî qirkerdişêke pîl ra xelas kerd. Semedo ke şerwanî rayîrê fikir û ramanê Abullah Ocalan de şinê no semed ra no fikr bi sebebê xelaskerdişê qirkerdişêke pîl."

	 

	'Cinîyê Êzidî warê têkoşîn de cayê xo gênê

	 

	Marin Haso dîyar kerde ke cinîyê Êzidî êdî warê têkoşînî de cayê xo gênê û wina dewam kerdî: "Rayberê Şarê Kurd Abdullah Ocalanî semedo ke cinî azad bibê xeylê ked û xebat kerdo. Ma zî ewro semedê azadîya ey têkoşîn kenê û waştişê ma o yo ke no tecrîd peynî bibo û Rayber Apo azad bibo."

	 

	'Ganî cinîyê Êzidîyijan her warî de xo aver berê'

	 

	Maren Haso peynîye qalîkerdişê xo de wina va: "Semedê cuyake azad û xoser ganî ma îradeyê xo xurt bikerê û ganî cinîyê Êzidî xo her warî de aver berê û semedê azadî têkoşîn bikerê. Wexto ke ma bi ruhêke azad têkoşîn bikerê ma do o wext Serekê xo zî azad bikerê. "