Qayûmî kreşê bi nameyê Taybet Înane girewt!

2017-12-07 13:34:45


	 

	WAN - Qayûmî qezaya Artemêtî yê Wanî Kreşê ke bi nameyê Taybet Înane amebi akerdiş girewt. Taybet Înane Şirnex de amebî qetilkerdiş û cenazaya aye hewteyêke kuçe de amebî vindernayîş.

	 

	Qayûmo ke Şaredarîya Artemêtî yê Wanî de Partîya Mintiqaya ê Demokratîk bi, kreşê bi nameyê Taybet Înan girewt. Taybet Înane qezaya  Silopî yê Şirnexî de wextê qedexeyê tebervejyayîşê kuçeyan de amebî qetilkerdiş û cenazeya aye hewteyêke erd de mendebî. Kreşo bi nameyê "Taybet Înan" ke kuçeyê Çîçeklî yê Artemêtî, verê namey ci zî tabela ra vurnayî û dima ra zî tabela bi nameyê "Keyeyê Piştdayîşê ê Keyeyî" daleqnayî û kilît dayî bera ro. Hemwelatîyê ke reaksîyon hemverê vurnayîşê nameyê tabela dayî wina vatî: "Mayêke bi îşkence ameya kiştiş. Nameyê aye ser ê tabela do çi xirabî bido merdimî?"