Semedê wendişî mecburê bixebitîyê

2017-12-04 10:49:05


	 

	Fîlîz Zeyrek

	 

	EDENE - Edene de domanê ke teberê saetê mektebe bi boyaxkerdişê solan û rotişê çakmakan piştdayîş danê keyeyê xo. Hîn wazenê bibê mamoste, hîn wazenê bibê doktor... Xeyalê înan yewbînan ra cîya yo. La bêtêduştîya ke hemverê înan yeno kerdiş, eynî yo.

	 

	Destê hînan de firçeyê boyaxî, destê hînan de zî çakmak û tîzbihe... Hacetê destê înan cîyayê, la qijbîyayîşê destê înan seyyewbînan o. Semedo ke ê qeleme û defter bigîrê, mecburê firçeyê boyaxî kenê destê xo. Domanî semedê şîyayê mektebe xo peyda bikerê xebityênê. Bê guman bêtêduştî û bêheqî vernîye xeyalanê înan nêgêno.

	 

	'Ez do pîyê xo rehet bikerî

	 

	Ramazano 10 serre behsê xeyalanê xo kerd û va ke wazeno bibo doktor. Semedo ke wazeno pîyo xo nêweş rehet bikero. Ramazanî va xeylê xo peynîya hewteyî de xebityeno û va: "Rojo bîn ez dersê xo viraznena. Ez tizbihe û çakmaxan bi temamî gêna û sûke de roşena. Keye nêverdeno ez bixebityî. La reyna ez semedê şîyayê mektebe xebityena."

	 

	'Wexto ke ez zabitan vînena remena'

	 

	Ramazan dîyar kerd ke ê kuçeyan de rastê xeylê tehlukan yenê, la en zaf zabitayê şaredarî ê tersnenê û va wexto ke zabitan vîneno bi lezgînî remeno.

	 

	Omero ke solan boyax keno zî tena peynîya hewteyî nê mîyanê hewteyî de zî xebityeno û va: "Pereyê ke ez qezenç kena, dana maya xo. Maya mi zî semedê şîyayeyê mektebe xerc kena. Ez nêwazena keye de roşî. Xebate weş a."

	 

	Omerî peynîye qalîkerdişê xo de dîyar kerd ke 6 wayê û birayê û no semed ra piştdayîş dano keyeyê xo.