Qaşil û pelê aye şîfa yê

2017-12-03 10:41:52


	 

	Hîkmet Tunç

	 

	WAN- Dara Çinare ke qilê Keleya Wanî de ca gêna, qaşilê aye ra bigî heta pelê aye şîfa vila kenê. Têkilîyê mabêne cinîyan û dare de, têkilîyê cinî û xoza vejeno meydan.

	 

	Darêke emir pîl ya Çinare bi heme weşikbîyayîşê xo ma pêşwazî kena. Dare verê turbeya Abdurrahman Gazî de ca gêna. Turbe ra weta, dare eleqeyê turîstê xerîb û mintiqa ancena. Pelê aye her ca rê vila bîyê.

	 

	Xeylê cinî pîrozbîyayîşê dare ra bawer ê. Cinî dare zîyaret kenê, qaşilê derûdorê aye gênê û dîyar kenê ke nê qaşilî feydeyê înan nêweşîyan rê zaf estê. Yeno vatiş ke qaşilê aye semedê nêrehetîyê regl û hewayînan rê zaf baş o. Heto bîn ra pelê aye semedê dermankerdişê veşnayîşî zî zaf baş o.

	 

	Gorey ke yeno vatiş na dare qilê keleya Wanî de, cinîyêke di gane bîya û nêeşkaya halê xo keyeyê xo ra vajo temsîl kena.