Heywanê pîroz ê Dêrsimî mirenê: Gelo jehr o ya jan o 

2017-12-02 12:22:17


	 

	DÊRSÎM - Pilemûr ê Dêrsîmî de 8 bizê kovî merdibî û netîceyê tehlîlî nêweşîya 'jan' mojnabi ra. La heywanan dir hetê fîzyolojîk de ti nîşan ê janî çin o. Hîn pisporî dîyar kenê beno ke heywanî bêrê jehrkerdiş. Encumenê Platformê Ozgur Aksinî Pakîze Aydin dîyar kerde ke ganî heyetêke xoser cigêrayîş bikero.

	 

	20 Teşrîna verêne de nêzdîyê Kayadîbî yê Pilemûrî de, hetê Pawitoxê Hezkerdoxê Xoza ra bizine nêweş a merdî dîbî û-dima ra Mudirîyê Pêroyî yê Parqê Netewî û Pawitoxê Xoza nimune eşrawitî Unîversîteya Firatî û netîceyê ci ameyî. Gorey netîceyê patolojî yeno vatiş ke bizê kovî jan ra merdê. Goreyê pisporan zî sey korî, gilêze û birînê fekî çin ê. Pisporan da zanayîş ke netîceyê tehlîlî qels ê û pisporî ser ê jehrkerdişê heywanan de vindenê.

	 

	Nukteyê ser ê rayîrê Pilemûr Erzînganî ke Şewaxî de çêrenê, eynî wextî de cayê derbazbîyayîşê heywanê kovîyan o. Goreyê pisporan îhtîmalo ke heywanê Şewaxîyan derbaz bibo zaf kêm o. Semedo ke heywanê înan aşî kerdê.

	Cayê ke heywanî tede ameyî vînayîş, xeylê xo sey mintiqayê taybet ameyê îlankerdiş. Pawitoxê xoza nêweşî selahîyetdaran berpirsîyar vînenê.

	 

	Encumenê Platformê Ozgur Aksinî Pakîze Aydine dîyar kerde ke nê raporê ke vejyayê qels ê û va ganî heyetêke xoser ê ekolojîstan ra yena meydan cigêrayîş bikero û ganî nimuneyê 8 heywanan laboratuvarê xoseran de bêro cigêrayîş.