Dewa Qopikan de goristanê cinîyê êzidîyijan yenê texrîpkerdiş 2017-11-28 11:36:01   Zeynep Turgut   WAN - Dewa Qopikan ke mîyanê şarî de sey warê êzidîyan yena şinasnayîş, nika hedefê xezînewanan de ya. Goristanê dewe ke wayîrê erj e û wayîrê tarîxêke kanî yê, nika hedefê xezînewanan de yê. Semedo ke adetê êzidîyan de cinî bi zerd û sîm ameyne definkerdiş, en zêde goristanê gorê cinîyê êzidîyijan yenê texrîpkerdiş û rijnayîş.   En zaf gorê cinîyê êzidîyan benê hedef   Qezaya Ebexî dewa Qopikan ke seserra 18ine de hetê mîr Kok Axayê êzidîyijî ra bi serran ameya îdarekerdiş, nika eynî dewe hepisxaneyê tarîxî û gorê cinîyê êzidîyijan yenê texrîpkerdiş. Dewa Qopikan 300 serre keleya ke hetê Kok Axa ra ameya awankerdiş û hetê kêna ey zarîfe ra ameya îdarekerdiş zî ca gêna. La wextê ma yê ewro de heme eserê tarîxî yê dewe de yenê texrîbkerdiş. Dewe de gorîstanê ke seserra 18ine ra heta nika bîyayîşê xo pawito, nika bîya hedefê xezînewanan. Goreyê zanayîşê ke hetê kesê mintiqa ra ameyî dayîş, destpêk de xezînewanî goran tespît kenê û dima ra kenenê. Semedo ke adetê êzidîyan de cinî bi zerd û sîman yenê definkerdiş en zaf gorê cinîyê êzidîyijan yenê texrîbkerdiş û rijnayîş.   Bi seyan gorî na dewe de ameyê kendiş   Dewa Qopikan de goristanê tarîxî derûdorê hepisxaneyê tarîxî de ameyê awankerdiş û heta nika no goristanî de bi seyan gorî ameyî kendiş û texrîpkerdiş. Qafê sereyê merdiman ê ke merdim goristan de rast ro înan yeno, wehşitî û bêrêzîyê hemverê kesê merdan û tarîxî fîneno verê çiman.   Roniştoxê mintiqa zî hemverê texrîpkerdişê goristanê tarîxî reaksîyon mojnayî ra û vatî ke ganî vernîye wehşîtî bêro girewtiş û tarîx bêro pawitiş.