Badê îxracbîyayişan awankerdişê alternatîfan 

2017-11-27 12:57:31


	 

	AMED - Sey ke yeno zanayiş xeylê şaradarîyan rê qayum ameybî eştiş û eştişê qeyuman ra dima sere de cinîyî ameybî hedef girewtiş. Cinîyê kedkar bîyî hedefê qayuman. Nê cinîyan ra yew zî Hetkara Hemşaredarîya Pîranî Zelal Abîş Bîrtaneya ke badê eştişê qayumî gureyê xo ra ameybî îxraçkerdiş a. Zelale derheqê qayum û hedefnîşandayişê cinîyan ser o de qisey kerde. Zelale badê îxrackerdişê xo dikanêko binameyê ‘Organik Pazar’ akerde û alternatîfa xo awan kerde. Zelale wazena ke cinîyan teşwiqê karî bikera û hedefê aye o yo ke piştî bida  ekonomîyê komunale.

	 

	Zelale qiseykerdişê xo de wina va: “ Badê ke qayum ameyî eştiş, qezencê cinîyan ame xestkerdiş. Ti çîyek nêeşkeno vernîyê qezencanê cinîyan bigîro. Eştişê qayuman ra dima xeylê cinîyî gureyê x ora ameyî îxrackerdiş. Ma badê îxrackerdişan seba awankerdişê alternatîfan dest bi kar kerdî û ma hewl danê ke hêzê cinîyan bidî nîşandayiş.”

	 

	Ganî cinî ekonomî ra dur nêbî

	 

	Zelale tewr peynî dîyar kerde ke verê cu zî eleqeya aye no het de estbî û wina va qedênaye: “Ma waşt ke alternatifa xo nîşanê heme kesan bidî. Heme çîyê ke dikan de yî bi destê tebiîyî û bi raybazê tebiî yenê viraşti. Ma nê çîyan resnenê şar. Heme çîyê dikane bi destê cinîyan ameyî viraştiş û keda destê cinîyan î. Ma herînayişan bi cinîyanê herêma Şemzînan, Colemêrg û Pîranî rakenê. Ganî cinîyî ekonomî ra dur nêbî.”