'Ma wayîrê goristananê Kurdistanî zî vejênê' 

2017-11-25 11:12:37


	 

	AMED - Goristanê Yenîkoyî de kerrayê goristanê endamê PKK, YPS, YPG û YPJîyan ameyî vurnayîş û dima ra keyeyî goristanan ser nêvisinê. Keyayan dîyar kerd ke nê polîtîkayê tersî yê û wina va: "Ma do wayîrê domananê xo zî, goristananê înan rê zî û Kurdistan ra nêvejîyê." 

	 

	Qayûm tayînê şaredarîya Bajarê Gird ya Amedî bi, Goristanê Yenîkoyî 25 kerrayê goristanî ê ke ser de îfadeyê ‘şehîd’  û slogan û flama estbî ê şervanê PKK, YPS, YPG û YPJî bî 5 roj verê vurya. Kerrayê ke verê zî ameybî texrîbkerdiş, rastê reaksîyonê keyeyan ameyî.

	 

	Maya Nafîs Katar (Rotînda Amed), Neslîhan Katare dîyar kerde ke polîsan ke kerrayê goristanî vurnayê wina va ‘O ke tîya de yo kam o? Merdimê to yo? Gunayê to pê yeno? To domanê xo eşrawit? Semedê mi cîyayîya DAIŞ û PKKî çin o, ma do kerran bivurnê.' Neslîhane reaksîyon mojna ra û va: "Domanê ma tîya konê ra. Ma rayîrêke xirab de nêşîyê. Ma bi înan serberz ê. Ewro eke ma tîya de bi rehetî bigeyrê xêrê înan o. Ma do qetî destur nêdê vurnayîşê kerrayê gorê înan."

	 

	'Ê ke tîya de yê heme domanê min ê'

	 

	Maya Hasan Fîdancan (Şervan Çiya) ke 2013 de Qendîl de cuya xo vinî kerd, Rozeta Şeyhanogullari zî wina va: “Dewlete goranê ma ra çi wazena. Polîsî her wext yenê goranê ma ser û me nêrehet kenê. Hewl danê ma bitersnê. La domanê ma senîn nêtersay ma zî nêtersenê û ma tîyayê. Heme domanê ke tîya konê ra domanê min ê."

	 

	'Ma vurnayîş qebul nêkenê'

	 

	Maya gerîlayê HPGî Osman Uzan (Alî Hamza), Pakîze Uzane zî reaksîyonê xo mojna ra û va: "Domanê ma senîn têkoşîn dayî û ganê xo dayî ma do zî semedê înan ganê xo bidê. Ma heqê şehîdanê xo qet nêdanê werdiş. Ma do vurnayîş qetî qebulnêkerd û ma do nêkerê zî."