Do cinî Stenbol de hemverê şîdetî rayşîyayîş bikerê

2017-11-22 15:05:42


	 

	STENBOL - Meclîsê Cinîyan ê Stenbolî do 24ê aşma verê Roja 25ê Teşrîna Peyêne Têkoşînê bi Şîdetê Ser ê Cinîyan ê Mîyannetewî hemverê şîdetî rayşîyayîş bikerê.

	 

	Bi nêzdîbîyayîşê 25ê Teşrîna peyêne Roja Têkoşînê bi Şîdetê Serê Cinîyan ê Mîyanneteweyî ra cinîyan lezgînî dayî çalakîyan. Çarçeweya çalakiyê 25ê teşrîna peyêne heme bajaran çalakîyê şermezarkerdişî yenê viraştiş. Meclîsê Cinîyan ê Stenbolî zî na çerçawe de 24ê teşrîna peyêne de Kadikoyî çalakî viraznê.

	 

	Meclisê Cinîyan ê Stenbolî îzahatê ke da wina va: "Ma 24ê aşme de hemverê şîdetî bi sloganê 'Ma do heme hêrişan eşkera bikerê' rayşîyayîş bikerê. Ma do hemverê şîdetî bê veng nêmanenê û veng danê heme cinîyan kenê ke 25ê teşrîna peyêne vejênê waran."

	 

	Çalakî do 24ê teşrîna peyêne roja îne saete 20.00 de verê Operaya Sureyya dest pêkeno.