Kongra Star semedê nasnayîşê Netew-Demokratîk kombîyayîş viraşt

2017-11-22 14:08:10


	 

	TIL TEMIR - Têkiliyê Diplomasî yê Kongra Star ê Kantonê Efrînî semedê cinîyê Ereb yê Koyê Kezwanî kombîyayîş viraştî.

	 

	Bi amancê nasnayîşê têgeyê Netew-Demokratîk Kongra Starî Kantonê Efrînê bi cinîyê Ereb ê Koyê Kezwanî kombîyayîş viraştî. Eynî wextî de bi amancê xelaskerdişê hişmendîyê îqtîdarî ê 5 hezar serrî û azadîya cinîyan, Şaredarîya dewa Xerayî ê Koyê Kezwanî girêdayê bajarê Til Temirî yê mintiqaya Cizîre de kombîyayîşêke bi cinîyê ereb dir ame viraştiş. Kombîyayîş de Îdarekarîya Têkilîyê Diplomasî yê mintiqayê Efrînî, Cîgira Sereka Desteya Têkiliyê Teberê yê Mintiqaya Efrînî Cîhan Mihemed, îdarekarîya têkiliyê Diblomasî yê Kongra Star Elya Oglo û Ebla Dawê û Îdarekarîya Têkiliyê Diplomasî yê kantonê Qamişlo Qedeîya Hisên, beşdarê kombîyayîşî bî. Kombîyayîş bi deqeyêke rêzgirewtişî dest pêkerd. 

	 

	'Rejîmê Baasî bi sebebê visnayîşê şaran'

	 

	Îdarekarîya Têkiliyê Diplomasî yê Mintiqaya Efrînî Fatima Lekto dîyar kerd ke Rejîmê Baasî bi sebebê visnayîşê şaran û wina va: "Netewê Demokratîk yê xeylê netewan virazêno û bi rengêke demokratîk serê herra Sûrîye bi yew ruh cuyenê, dewletê ke dişminîya Sûrîye û şarê aye keno her wext wazenê şarî yewbînan ra bivisnê. Wextê rejîmî de visnayîşê mîyanê şaran de bi. Amancê Netewê Demokratîkî yewîtîya şaran virazno. Her wext binê nameyê yew beyraqe, yew ziwan û yew netew de heqê şaran ke zereyê Sûrîya de cuyenê ameyne çinkerdiş. Wextê Rejîmê de tena fikrê yew beyraqe, yew ziwan û yew netew ameyne pawitiş. No semed ra aramî çin bi û şerêke pîl vejya. Yewperestî rayîrê çareserîyê gêno."

	 

	'Tarîxê Cinîyê wayîrhêz û bi îradeyê bi destê camêrdan ame nimtiş'

	 

	Temsîlkarê Sereka Heyetê Têkilîyê Teberî yê Mintiqaya Efrînî Cîhan Mihemed zî bale ant ser ê rol û zanebîyayîşê cinîyan mîyanê komelî û wina va: "Tarîx de camêrdî wayîrê hişmendîyê îqtîdarî heme heq û destkewtişê cinîyan yê tarîxî girewt û kerd ayîdê xo. Tarîxê Cinîyê wayîrê hêz û bi îrade bi destê camêrdan amî nimtiş."

	 

	'Bêrîtan, Şîlan û Vîyane sembolê cinîyê azad ê'

	 

	Dinya de dewamê qiseykerdişê xo de wina va: "Eke cinî azad nêbê komel zî azad nêbenê. Cinî têkoşînê xo yê azadîya xo dest bikerê. Ewro bi xêrê têkoşînê şehîd û evîndarê azadîyê sey Ş.Bêrîtan, Ş.Vîyan û Ş.Şîlan… ma serkewtişê giranvay dest kerd."

	 

	'Gerek cinîyê Ereb êdî gamêke newe ver bi azadî de bierzê'

	 

	Cîhane peynîye qalîkerdişê xo de wina va: "Rayber Apo ewro hêz û bawerî day cinî ke azad bicuyê. Ganî ke cinîyê Ereb zî bêrê têkoşîn bikerê û xo azad bikerê. Perwerde bibê û xo hişmendiyê îqtîdarî bipawê. Cinîya azad komelêke azad xo dir azad keno.

	 

	Kombîyayîş bi sloganê, "Cinî, Cuyayîş, Azadî" peynî bi.