Wexto ke DAÎŞî nas kerd 13 serrî bî: Domanîya mi diznayî

2017-11-22 11:36:39


	 

	Ruhenda Amed

	 

	AYN ÎSA - Dîlbere wexto ke pîyê aye, aye Azerbaycan ra ard Sûrîye 13 serrî bî û nika 18 serrî ya. Dîlbera ke maya diomaneke ya û mecbur menda bêrê zewicnayîş dîyar kerde ke dimayê heme çî ameyî cuyayîş domanîya  xo xo vîr ra kerdo.

	 

	Şerwanê YPJ û QSDî ke operasyonê azadkerdişê Reqa de serkewtişêke tarîxî qezenç kerd û bajaro ke bibi paytextê tarîtî ageyra bajarê azadî. Bê şik o ke amebi azadkerdiş tena bajar nêbi. Cinîyê zulmêke pîl cuyayî game eştî cuyayîşke newe. Ma kampa Ayn Îsa de hîkayeya Dîlber Mammedovaya Azerbeycaniyîje goşdarî kenê.

	 

	DAÎŞ: Dehbayê cehenemî

	 

	Dîlbere bi hîrê wayê û birayê xo kampa Ayn Îsa de manena wina va: "DAÎŞî heme çî ma, ma ra girewt." Dîlbere Bakuyê Azerbaycanî ra ya. Hîna 18 serrî ya. 5 serrî verê tarîtîyê DAÎŞî nas kerdo. Dîlbere da zanayîş ke çeteyê DAÎŞî ‘dehbayê cehenemî yê’ û va bi zorê pîyê xo ameya Sûrîye.

	 

	Bi ambulansê Tirkîya sînorê Tirkîya derbaz kerdo

	 

	Dîlbere da zanayîş ke ser ê Tirkîya ra derbazê Sûrîye bîya û qiseykerdişê xo wina kerde derg: "Maye û pîyê mi verê ke ma bêrê Sûrîye fek yewbînan ra vera dayî. Pîyê mi aşmêk verê ma amebi iyeyê Sûrîye. Ez û wayîk û birayê xo aşmêke Dîlok de mendî. Dima ra camêrdêke ame ma girewt û ma bi ambulansa Tirkîya derbazê Sûrîye kerdî. Wexto ke ma derbaz bî zî ma leşkeran dî. Ma ambulanse ra peya bî û pîyê mi ma Sûrîye ra girewt."

	 

	'Mi bi zor day zewicnayîş'

	 

	Dîlbere ard ziwan ke dimayê ke ameyê Sûrîye, Tabka, Mînbîc, Reqa û xeylê cayê bîn de mendê û nê çî ardî ziwan: "Pîyê mi endamê DAÎŞî bi, bi înfazê zereyîn ame kiştiş. Dimayê ke pîyê mi merd, ez wayîk û birayê xo visyawa û bi zor mi dayî zewicnayîş. Serrêke bi ma ameybî Sûrîye. DAÎŞî va ke pîyê to merdo gerek ti bizewecyê. Mi nêwaşt ez bizewcî. Mêrdeyê min o ewil Tirkêke Dîlok ra bi. Lajêke mi virazya. Mêrdeyê mi  bû endamê DAÎŞî bi û Tabka de merd."

	 

	'Mi domanîya xo xo vîr ra kerd'

	 

	Dîlbera ke bi domanê xo 4 aşme bi tena sereyê xo mende reyna rastê tedayê DAÎŞî amî û wina qalî kerde: DAÎŞî va 'ya ti do bizewecyê ya zî çi halê to esto bivîne'. Ez mecbur menda bi endamekê DAÎŞî yê Semsuriyîji dir zewicya wa. Ez rastê şîdetî ameya. Mêrdeyê mi diyîn zî pêrodayîş de merd. Çîyê ke ameyî cuyayîş, pêrodayîş de merd. Pêwa çîyê ke ameyî cuyayîş mi domanîya xo xo vîr ra kerd."

	 

	'Mi bawer nêkerdêne ez DAÎŞî ra xelas bînî

	 

	Dîlbere dimayê ke mêrdeyê aye mireno hewl dana biremo, la sernêkewta dimayê ke şerwanê YPJî vînaya xo newe ra azad hîs kerdo. Dîlbere peynî de wina va: "Mi qet bawer nêkerdêne ez DAÎŞ ra xelas bî. Ez çend rey remaya la serkewte nêbîya. Wexto ke mi YPJ dî baskê mi abî. Mi çarşefe sîya ser ê xo ra eşt. Mi xo azad hîs kerd. Yewin rey mi hîs kerd ke ez DAÎŞî ra xelas bîya. Mi na kampe de reyna mi wayîk û birayê xo dî. Ma bi zor ardî Sûrîye. Tîya welatê ma nîyo. Ez wazena pîyê mi zî tede DAÎŞî ra hesab pers bikerî. DAîŞî heme çî ma destê ma ra girewt. Ez wazena bi way û birayê xo dir ageyrê Azerbaycan.”