Cinîyê Amediyijî: Semedo ke tecrîd wedarnê ma do vejîyê waran

2017-11-20 14:18:45


	 

	Rojda Aydin

	 

	AMED - Cinîyê Amedî reaksîyon hemverê tecrîdê ser ê Rayberê PKKî Abdullah Ocalanî de dewam keno va ke semedê no şer vindero û tedayê serê hepsîyan wirzê ganî vernê de tecrîtê serê Abdullah Ocalanî wirzo.

	 

	Tecrîdê ser ê Rayberê PKKî Abdullah Ocalan her ke şino giran beno û bi ti hawa destûr nîno dayîş ke pêvînayîş virazyê. Bi girankerdişê tecrîtî dir şer, teda û zordarî zî Tirkîya û Kurdistanî de zêde bî. Cinîyê Amedî reaksîyon hemverê şer û pêrodayîşê ke hepisxaneyan û tebe ra qewimênê dayî ku li girtîgehan û vatî ke semedo ke şer vindero û tedayê ser hepsîyan wirzê vernê de tecrîdê ser ê Abdullah Ocalanî wirzo.

	 

	Cinîya bi nameyê Helîme Ozdogan reaksîyon hemverê tecrîdo ke serê Abdullah Ocalanî yeno kerdiş da û va ke ganî tecrîd bêro wedartiş û wina va: "Semedo ke girankerdişê tecrîdî de şer, teda û zordarî zî Tirkîya de zêde bi. Semedo ke no şer bêro vindarnayîş ganî sere de tecrîdê serê Serekî wirzo. Heta ke tecrîd nêwirzo halê Tirkîya û Kurdistanî baş nêbeno. Domanê Erdoganî hepisxane de çin ê. No semed ra nê çîyê ke yenê sereyê ma û domananê ma xemê ey nîyo. Ma wazenê dinya weş bo û têduştî mabêne ma de virazyo. Semedo ke dinya weş bo ganî tecrîd bêro wedartiş. Problemê Tirkîye û Kurdistanî bi tena Serok Apo eşkeno çareser bikero."

	 

	'Heta ma bibê ma do serê lingan de bê û xo ver bidê

	 

	Cinîya bi nameyê Songul Atak zî ard ziwan ke wa peynî tedayan bêro û wina va: “Azadîya ma destê Serekî de ya. Eke tecrîdê ser Serekî wirzo o wext ma do zî biresê azadîya xo. Semedo ke tecrîdê ser Serekî bişkîyo ganî heme şarê kurd wirzê ser lingan û nêtersê. Ganî ma kurdî ser bikoy. Eke ma bitersê ma nêeşkenê ser bikoy. Bi serran o serê ma kurdan de zulm yeno kerdiş û no zulm qetî nîno qebulkerdiş. Heta ke ma bibê ma do serê lingan de bê û xo ver bidê."

	 

	'Ma do nêbê bindestê ti kesêke!'

	 

	Cinîya bi nameyê Methîye Çakmak zî va heta tecrîdê ser ê Abdullah Ocalanî nêwirzo we ti kes azaf nêbeno û wina va: "Ma heta nika kesî rê sereyê xo nêda ro û ma do qetî nêdê ro zî. Labelê kesê Mît, Ajan û Qoricîyan sereyê xo danê ro û heme zî bindestê. Ma nêbenê bindestê ti kesêke zî! Azadîya Serek, azadîya şarê kurdan a."

	 

	'Ma do tim waran de bê

	 

	En peynî cinîya bi nameyê Berîvan Artîş zî ard ziwan ke semedê azadîya Abdullah Ocalanî serê lingan de yê û wina va: "Ma do qetî hemverê tecrîd û tedayan serey xo verê dişmin nêtewinê. Eke Em ê tu carî li dijî zext û zordariyan serê xwe li ber dûjmin netewînin. Eke tecrîdê ser ê Serek wirzo o wext tedayê serê hepsîyan wirzê. Azadîya Serek azadîya ma ya.”