
Tarîtîyê qirkerdişî bi tuvalê rengîn gêna 

2017-11-18 13:26:28


	&nbsp;

	
		Habîbe Eren
	
		&nbsp;
	
		ENQERE - Gunay Karakuşa ke qirkerdişê 10ê Teşrîna Verêne bi hawayoke birîndar xelas bî û çaqeyê aye protez kerdî. Gunaye resimê ke xêz kerdî pêşangehê bi nameyê Ekînoks pêşkêş kerd. Ekînoks yeno manaya şew û roje. Gunaye goreyê dinyaya xo bi name kena û vana: "Tarîtî hema baş nêşîyo, hema esto... Rîyê xêzan de hîn endîşe û keder esto. Mi înan bi rengan tê mîyan kerd."
	
		&nbsp;
	
		Gunay Karakuşe qirkerdişê 10ê Teşrîna Verêne yê Enqere de birîndar xelisîya û prosesê nêweşxane de xêzê xo yê boyaxî nika pêşanegehêke de pêşkêş kena. Gunaye 4 aşmî ke nêweşxane de mende resim xêz kerd û pêşangeha aye mabêne 15-22ê Teşrîna Peyêne de Galerîya Çankayayî de yenê pêşkêşkerdiş. Gunaye mamosteyîyê îngîlîzî wanena û 10ê Teşrîna Verêne de bi embazanê xo dir Edene ra amî mîtîng. Qirkerdiş de embazanê aye cuya xo vinî kerdî û Gunaye zî çaqeyêke xo vinî kerde.
	
		&nbsp;
	
		Ekînoks: Bi hêvî û xoverdayîş ê û tarîtî bî yew
	
		&nbsp;
	
		Nameyê pêşangehî ekînoks o. Gunaye wina vana: "Ma 10ê Teşrîna Peyêne de travma û taritîyêke pîl cuyayî. Verê keder, xemgînî û vindîkerdişî, bi piştdayîş, hêvî û xoverdayîş ê û tarîtî bî sey yewbînan. Tarîtî hema baş nêşîyo, esto. La ma rastî zanayne û eynî wextî de ma roşnayî awan kerd. Resimê mi zêde rêçe xoverdayîş û hêvî hewênenê."
	
		&nbsp;
	
		Gunaye da zanayîş ke dimayê dermankerdişî ageyraya Edene û semedê dermankerdişî dem bi dem şîya Enqere û va: "Ez ameyîş û şîyayîşî de şîne komela waye xo ya Tuzluçayîrî. Kesê ke komela de bî resimê mi zaf ecibnayî. Mi ra bawer kerdî. La fikrê pêşangehî semedê mi çîyêke ecêb bi. Semedo ke qet perwerdeyê mi çin bi. La înan cesaret da mi."
	
		&nbsp;
	
		Gunaye bale ante ser ê piştdayîşê girs yê dimayê qirkerdişî û va roja pêşangehî de zî eynî piştdayîşî hîs kerdo.


	&nbsp;