Hepisxaneyê Elezîzî de semedê îşkence oda ameyî viraştiş' 

2017-11-18 12:52:06


	 

	Melîke Aydin

	 

	DÊRSÎM - Berna Çelebî demêke verê hepisxaneyê Elezîzî ra tehlîye bî dîyar kerde ke odayê semedê îşkence ameyî viraştiş de hepsî caardişê kêfî yenê û va ganî hemverê caardişê hepisxaneyê Elezîzî de bi lezgînî bikoyê mîyanê tevgerî.

	 

	Berna Çelebîya ke çalakîyê 8ê Adare û beşdarbîyayîşê cenazeyê gerîlayan de amebî tepiştiş, rojê verî amî tehlîyekerdiş. Berna qalî hepisxane kerde û dîyar kerde ke hepsî 1ê teşrîna peyêne ra heta nika grevê vêşanî de yê.

	 

	Berna qalê sebebê destpêkerdişê çalakîyan kerde û va banyo de, tuwalet û koxuşan de kamera ameyê bica kerdiş û hepsîyan kamera şikitê û wina va: "Prosesî ra dima, hepsîyan berdêne odaya sungerîne yanê odaya îşkence. Ekîbêke bi nameyê Tîmê A ameyne bi namekerdiş ameyne koxuşan û îşkenceyê fîzîkî û vatişî kerdêne."

	 

	'Eştî koxuşê hepsîyan ser'

	 

	Berna dewam de va ke nasnameyê qertê veryaxî ferz kerdî û wina va: "Hepsîyê ke nê çî qebul nêkerdî zî ti heqî ra feyde nêgirewtî. No semed ra grevê 1 Teşrîna Peyêne dest pêkerd. Hetê 6 hepsîyan ra bi hawayo ke bêdem û bêdor dewam keno. Tîmê bi nameyê A eşt serê koxuşan, mazgal û hawadyîş ra awa tazyîkîne eştêne  koxuşan û îşkence cinîyan kerdêne."

	 

	'Porê ma ra girewtêne û erd ra kaş kerdêne'

	 

	Berna nê çî ardî ziwan: "Koxuşe de hepsîyêke nêweş, hepsîyê pîr û domanî bî. Wexto ke înan eşt ser ma qata cor de bî. Ma şil bî. Porê ma ra girewtî û ma ardî qate warî. Ma hemine eştî ser ê yewbînan û îşkence bi ma kerdî. Ma tayê xo berdê odaya kewe. Ma rastê tacîz û heqeratan ameyî. Gardîyanan zî ma temaşe kerdêne."

	 

	Nêbenê doktor...

	 

	Berna da zanayîş ke gardîyanan tehdîdê mergî ro înan rê kerdê û wina va: "Hemsereka DBPî yê Dêrsîmî Gulseven Yildize qelbî ra nêrehete bî û bi ambulanse berdî revîr û winî rapor girewtî. Semedo ke hepsî rapor nêgîrê nêbenê doktor."

	 

	Berna behsê îşkenceyê odaya sungerî kerd û va oda her wext hetê kameran ra yenê taqîbkerdiş û mîyanê oda de klozetêke esto û wina va: "Gardîyanê cinî û camêrdî her wext oda taqîb kenê. Semedê embazêke cezaya girewtebî ambazan waşt ped bieşrawê la gardîyanan nêverda. Cinîyan atletê xo dirnayî û xebitnayî. Koxuşa C-6 Salîha Cebe, Bahar Ulubay, Dîlan Barîn û koxuşa D-6 zî hîrê cinî grevê vêşanî de yê. Ganî semedê no hal tevger bêrê destpêkerdiş."