Îmtîhanê serrêke yê qayûmî ê Wanî 

2017-11-16 13:42:48


	 

	Hîkmet Tunç

	 

	WAN - Serê tayînkerdişê qayûmî ê şaredarîya bajarê Gird ya Wanî de serrêke derbaz bi. Qayûmî sîstemê hemserekî û xebatê cinîyan hedef girewt, xeylê sazgehê cinîyan bê bandor verday. Hemşaredarê ke bajêr de sîyaset kenê vatî, ‘Heme qezencê ma ê şarî yê, do ê şarî bimanê."

	 

	17ê teşrîna peyêne 2016 de qayûm tayînê şaredarîya bajarê gird ya Wanî bibi û bi serrêke îradeyê şarî xesp kerdê. Hemserekê ke bajar de sîyaset kenê babete şîrove kerdî.

	 

	'Ma projeyê derheqê cinîyan de viraşt'

	 

	Hemsereka DBPî yê Payîzava Yildiz Çetîne da zanayîş ke 17ê teşrîna verêne de semedê şaredarîya girde û 3ê Sibate de zî semedê şaredarîya Payîzava qayûm ameyo tayînkerdiş û wina va: "Ez zî 2ê Gulane de bi operasyon ra ameya girewtiş. Dimayê demêke ez ameya veradayîş. Weçînayîşê mintiqa de xeylê projeyê derheqê cinîyan de ameyî kerdiş. Qeza û merkezê 5 kitabxane ma akerd. Ma ocaxa weşî akerd. Ma semedê cinîyan koperatîfê Xoser akerd. Ma atolye, sera, loqanta, qreş, firin û keyeyê kulturî akerd. Dimayê ke qayûm ame xebatê cinîyan zî dewrê KADEMî kerdî."

	 

	'Heme qezencî ma ê şarî yê

	 

	Hemşaredara Elkê Aynur Tarhane ke qayûm tayînê cayê ya ame kerdiş, dîyar kerde ke prosesê ser ê şewirmendî bi cinî warê komelî, kultur û ekonomî de beşdarê xebate kerdê û wina va: "Mintiqa de heme hemşaredarî ameyî tepiştiş. Bê şik semedo ke cinîyan ra tersayî winî kerdî. Semedo ke azadbîyayîşê cinî azadbîyayîşê komelî yo. Heme qezencê cinîyan ê şarî yê û do şarî bimanê."

	 

	'Ma xerîteya xo cinîyan dir dîyar kerd'

	 

	Hemşaredara Artemîtî Rojbîn Çetîne ke şewirmendî ra amî durvistiş nê çî ardî ziwan: "Sîstemê hemserekî hetê şarî ra ameyo qebulkerdiş. Ma bi cinîyan dir xerîte dîyar kerde. Ma cinîyan dir kombîyayîş kerd û proje viraşt. Ma heyetêke cinîyan ra ameyo awankerdiş viraşt. Ma hewl da mekanîzmayêke cinî qerarê xo bi xo bigîrê bêro awankerdiş.