'Sewbîna weçîniteyê Tirkîya çin o' 

2017-11-16 12:42:01


	 

	Şehrîban  Aslan

	 

	
		AMED - Derheqê tecrîdo giran kerde ke Rayberê Şarê Kurd Abdullah Ocalanî ser o yeno meşnayîş de Kurdistan, Tirkîya û Ewropa de çalakîyî dewam kenî. Babete ser o Endama MYKyî ya DBPyî Seher Tumere qisey kerde û qiseykerdişê xo de bale ante ser muhîmîya pêvînayîşan ser û va‘eke bihawayo lezabez pêvînayîş nêbo, do kaoso ke esto hîna zaf kûr bibo’.
	
		 


	Sehere va ‘Abdullah Ocalan serra 99î ra nata binê tecrîdêko giran de yo’ û wina dewam kerde: “Tecrîdo ke donemê peyênan de yeno bicaardiş, sey verê nîyo. Serra 2012î de zî tecrîdêko girankerde estbî. O wext grevê vêşanîye dest pêkerdbî. Netîceyê grevê vêşanîye de pêvînayîşî dest pêkerdbî. Dima ra serra 2013î de Birêz Ocalanî Newroze de mesajêk erşawitbî û prosesê aştîye dabî destpêkerdiş. Bi ê mesajê xo hêvî daybî şaranê Rojhelato Mîyanênî. Şer herinda xo ver daybî aştîye rê. Cenaze nêşîyênê ti cayan. Badê ke tecrîd dest pêkerd prosesêko giran kewt dewre.”

	 

	2 serey ênê prosesî estî

	 

	Sehere dewamê qiseykerdişêxo de wina va: “Nika derheqê prosesî de rexneyê cîddîyî estî. Nêrexneyî hem seba dewlete, hem seba HDP û hem zî seba DBPyî. Ma 2016î ranata ti xebere Ocalanî ra nêgirewto. Nika medyaya komelkî ser ro tayê xeberî yenî parekerdiş û no çî dewlete ra qerfîya yenî yo. Hewl danî proseso ke şer tede aver şêro, bidî destpêkerdiş. 2 sere yênê prosesî estî û sewbîna raybaz çin o.”

	 

	Mavanî kilîtê aştîye yo

	 

	Sehere bale ante ser çalakîyê ke benî ser û wina dewam kerde: “Demanê peyênan de grevê vêşanîye û tayê çalakîyê bînî benî. Eke pêvînayîş nêbo, do şar çalakîyanê girdan bikero. Mavanî ke Ocalan kilîtê aştîye yo. Kamcîn wext ci reyde pêvînayîşî bibî, o wext perspektîfan dano dewlete û vernîya dewlete akeno. Eke pêvînayîş bibo, do şarî qezenç bikerî. Şero ke Rojhelato Mîyanên de yeno meşnayîş de her îqtîdar wazeno xo payan ser de bigîro, cokra tecrîdî giran kenî.”

	 

	Kurdî bihawayo nizamin bedilîyenî

	 

	Sehere peynîya qiseykerdişêxo de wina va: “Rojawan de kurdî êdî bisîstemêko newe bedilîyayîşan cuyenî û no sîstem zî hêvî dano kurdan. Sîstemo Kapîtalîst wazeno nê yî ortera wedarno. Nika têkoşînê serran esto. Ganî dinya, Rojhelato Mîyanên û Tirkîya Ocalanî reyde pêvînayîşan bivirazî, sewbîna weçîniteyê înan çin o. Neke no proses do bibo sebebê şeranê gird û giranan.”