Cinîyanê hepsî peynî ro grevê vêşanî ardî 

2017-11-13 13:42:11


	 

	ANTALYA - Cinîyê hepsî Hepisxaneyê Tîpê Lyê Antalya ke semedê tecrîdê serê Rayberê PKKî Abdullah Ocalanî kewtîbî grevê vêşanî, dîyar kerdî ke semedê nika grevê vêşanî peynî ardê.

	 

	7 cinîyê hepsîyê sîyasî ê Hepisxaneyê Tîpa Lyê Antalya semedê tecrîdê serê Rayberê PKKî Abdullah Ocalanî peynî bibo 26ê teşrîna verêne bi rayîrê keyeyê xo dîyar kerdîbî ke ê do dest bi grevê vêşanî bêdem û bêdor bikerê. Cinîyê tewqîfkerdeyî bi rayîrê keyeyê xo vengdayîşêke newe kerdî û dîyar kerdî ke înan grevê vêşanî peynî ardo.

	 

	Cinîyê hepsî bi rayîrê keyeyê xo mesajêke eşrawit û mesajê xo de wina vatî: "Ma grevê nika peynî da ci la hemverê halêke negatîf, ma do çalakîyê radîkal viraznê."

	 

	Cinîyê hepsî hetêk ra zî îhlalkerdişê heqan ê ke pê rî bi rî manenê zî dayî zanayîş û dîyar kerdî ke name û kitabê înan nînê dayîş û wexto ke babete bena weşî semedê doktor nînê sewqkerdiş.

	Cinîyê hepsî dîyar kerdî ke fotografê Meral Geylanîya Aktivîsta Hetkarîya bi Keyeyê Roboskî ameyî destserkerdiş.