Hem dejan rê dermanê hem zî weşîkîya qezaye yê 

2017-11-13 12:49:31


	 

	Zeynep Turgut

	 

	WAN - Qezaya Elbaxî travertenê û germawa qezaye hem bi weşikî û hem zî bi şîfa rê cayê ke en zêde yenê zîyaretkerdiş. Travertenê ke en zêde zimistanî de yenê zîyaretkerdiş, yeno vatiş ke awe înan semedê dejê qelbî û romatîzma derman a. Eynî wextî de germawa ke zimistanî zî bi taybetîya ke germbîyayîşê xo pawena yena naskerdiş zî semedê heme nêweşîyan derman a.

	 

	Dewa kelekomî ke girêdayê qezaya Elbaxa Wanî de awa şîfayîne bi serran o hetê dewijan ra yena xebitnayîş. Wextê Selçûkîyan û heta nika awa ke kerran ra herikêna û mewsîmê hamnanî û zimistanî de germbîyayîşê xo pawena, heme dejan rê derman a. Her serre awa ke şîfayîne vila kena, hetê hemwelatîyan ra eleqeyêke pîl vînena. Awa ke kerran ra herikêna sey cayê hewzan  û deştan kom bena.

	Xoşitişê bi awa germawa weşîya merdimî pawena

	 

	Germawa ke her serre rastê eleqeyêke pîl ê şarî û tûrîstî yenê mintiqa semedê germawe zîyaret bikerê. Yeno zanayîş ke awe şîfayîne semedê heme nêweşîyan derman ê. Yeno vatiş ke kesê ke xo germawa de şonê, bi serran o dejan yenê pawitiş.

	 

	Travertenî mewsîmê zimistanî de zêde yenê zîyaretkerdiş

	 

	Her çiqas wextê qalê Travertenê bêrê kerdiş, tena Pamukkale bêro vîrê merdim zî  Travertenê dewa Skranîsse(Dereîçî) yê girêdayê qezaya Elbaxî yê Wanî zî bi weşikî û şîfa ke vila kenê namdar ê. Eynî wextî de yeno vatiş ke traventenê dewa Skranîsse de yê semedê dejê zerrî, çim û hewa dermanê sereyîn ê û no semed ra her serre bi hezaran turîstî yenê serdanê înan. Travertenê ke mewsîmê wisarî de weşîkîye cîya danê xoza, mewsîmê zimistanî de wextêke cemidyenê zêde yenê vilakerdiş.