Sebebê tepiştişê cinîya 78 serrî: Amadekarîyê hêrişî

2017-11-12 11:54:20


	 

	MÊRDÎN - Emîne T. ya ke 78 serrî yo çend roj verê, bi eştişê serê keyeyê aye de bi îdîaya 'amadekarîya hêrîşî' amî tepiştiş. Emîne ard ziwan ke aye bi zor ameya tepiştiş û va: "Kesê ke nê çî ardî sereyê mi, hesab do bêro perskerdiş gelo?"

	 

	Serê herre Kurdîstanî de proseso en peyîn de kesê ke aştî û edalet geyrenê bi hêrîşan rî bi rî manenê. Mayêke rayberîya cîgirayîşê aştî û edaletî kenê zî, yeno waştiş ke bêrê pelçiqnayîş. Aşma en peyîn de bajarê sey Wan, Amed, Mêrdîn û Şirnexî eştişê serê keyan de xeylê mayê aştî ameyî tepiştiş û peynî de ameyî tepiştiş. Şewa 8ê teşrîna peyêne Nisêbîn de cinîyê emrê înan dorê 70 serrayan ameybî tepiştiş.

	 

	'Mi tepişnayî'

	 

	Emîne dîyar kerde ke wextê eştişê keyeyê aye de hem berayê keyeyê aye û hem zî berayê baxçeyê aye şikitê û wina va: "Şande saete hema nêbîbî çar berayê mi gina piro. Xora çimê ke mi nêvîneno. Heta ke ez wirzî serê lingan înan bera mi şikit. Xora keye de ez tena cuyena. Kewtê keyeyê mi yew ode û dima ra mi berdî qereqol. Qereqole mi ra zaf pers kerdî. Dima ra mi berdê nêweşxane û mi serbest veraday. Zaf nêweşîyê mi estê. Bîlasebe înan mi tepişt."

	 

	'Ez bi zehmetî debara xo kena'

	 

	Emîne ke odayêke de cuyena wina va: "Ne mêrdeyê mi esto, ne zî domanê mi estê. Ez tena sereyê xo cuyena. Ez odeyêke tena de cuyena, debara xo kena. Îhtîyacîyê mi hetkarî rê esta. Dewlete nê zehmetîyan ke ez cuyena nêardî verê çiman. Do hesabê nê çîyê ke ardî pers bikerê gelo?"