Sepeta Besere de fêkîyê tebiî

2017-11-12 11:09:53


	 

	Melike Aydın 

	 

	DÊRSIM - Beser Albayrake bê îlaca ramitişî fêkiyê organîk pîl kena û vera ke market de biroşo, sepeta xo de roşena.

	 

	Beser Albayraka ke qezaya Dêrsimî Nazimîye de cuyena, fêkiyê ke ana merkezê bajêrî, bi keda xo roşena. La nê fêkî, fêkîyê rêze ra nîyê! e difiroşe. Besere bê gubre fêkiyê xo pîl kena.

	 

	Besere wina qalê fêkiyê xo kena: "Firingîyê ke market de bi 4 TLyan yenê rotiş, ez bi 3 û nîm TLyan roşena. Semedo ke ez fêkiyê ke ez roşena organîk ê. Şar hem fêkiyê erjan hem zî ê organîk wenê. Bi no hawa keda mi zî bîlasebe nişino."

	 

	'Mi cinîyan ra zaf piştdayîş girewt'

	 

	Semedê Besere amancê berardişê fêkîyan, semedê ekonomî nîyo. Fêkiyê xo verê semedê zimistanî têra kerdê û dima ra zî derûdorê xo dir pare kena. Ê ke manenê zî kena sepete xo û merkezê bajêrî de roşena.

	 

	Besere pîlkerdişê fêkiyê xo winî qalî kena: "Dewe de ez, mêrdeyê xo û heme dewijî ma pîya erdê xo ramnenê û awe danê. Ma cinî û camêrdî pîya xebityenê. La reyna zî ganî cinî piştdayîş bidê yewbînan. Mi merkezê Dêrsimî de piştdayîşê embazê cinîyan xeylê dî. Ma tîya bi piştdayîşê embazê cinîyan zaf dî. Ma tîya bi piştdayîş serê lingan de yê."