Cinîyê Erebî semedê azadîya Abdullah Ocalanî veng dayî

2017-11-09 17:16:43


	 

	Rûken Goman

	GIRKÊLEGÊ- Cinîyê erebî hemverê tecrîdê serê Rayberê PKK Abdullah Ocelanî reaksîyonê xo mojnayî ra û vatî: "Ganî cinîyê erebî layîqê fikir û tekoşînê Rayber Apo bê û semedê azadîya ey her wext tevger de bê."

	Dewleta tirkan her roje tecrîdê serê Rayberê PKK Abdullah Ocelanî giran kenê û ti zanayîş serê halê ey weşî de nîno girewtiş û eynî wextî de keye û avûkatê ey zî nêeşkenê zîyaretê ey. Cinîyê erebî ê qezaya Girkê Legê ke girêdayê bajarê Dêrike ê mintiqaya Cizîre de hemverê tecrîtê serê Abdullah Ocalanî reaksîyonê xo mojnayî ra.

	Cinîya bi nameyê Ayişa Ehmede serê nameyê cinîyê ereban de tecrîdê serê Rayber Apo şermezar kerde û va: " Dewleta tirkan a faşîst bi tecrîd wazena komelî felsefeyê Rayber Apo bibirno, la do nê çî nêvirazîyo. Semedo ke Rayber Abdullah Ocelan Rayberê ma yo û ma zî serê Felsefeyê ey de rayîra şinê. Ma tecrîdê serê Rayber Apo şermezar kenê û vanê wa ganî Rayberê ma dir pêvînayîş bêro kerdiş."

	'Bi fikrê rayber Apo cinîyê erebî xo nas kerdî'

	Eynî wextî de cinîya bi nameyê Merwa Ibrahîm zî dîyar kerde ke ganî wxto ke kilm de Rayber Apo ra zanayîş bêro girewtiş û nê çî vatî: "Kesayetê Rayber Apo de cinîyê erebî kesayet û bîyayîşê xo nas kerdî. Ma do her roje waran de bê semedê azadîya Rayber Apo."