Semedê Mîrazo domanî dêsê hepisxaneyî de perperikî ameyî xêzkerdiş 

2017-11-08 14:52:43


	 

	STENBOL - Semedê domano bi nameyê Mîraz yew serre ke bi maya xo Gulîstan Dîken Akbaba dir Hepisxaneyê Maltepe de yenê tepiştiş, perperik û milçîkî ke Mîraz wazeno înan bivîno, dêsê hepisxaneyî de ameyî xêzkerdiş. Mîrazo ke semedê ey hetê maya ci û cinîyê bînî, dêsê hepisxaneyî de mîlçik û perperikî ameyî xêzkerdiş û bênê ê resman de zî fotografê ey ame antiş û kêfweşîye ey serê medyaya komelî de ame parekerdiş.

	 

	Gulîstan Dîken Akbaba ke Partîya Aştî û Demokrasî (BDP) yê Maltepe ke ame girewtiş, îdarekarî kerdêne û 19ê sibate de amîbî tepiştiş.  Gulîstane dewa ke 2013 de ameyne hukmkerdiş, dimayê serrêke û nîm tepişnaye mende amî tehlîyekerdiş. Gulîstane dimayê ke dewa ra ameyne hukmkerdiş 6 serrî û 3 aşmî ceza girewte, bi domanê xo Mîrazî dir amî tewqîfkerdiş û eşrawitî Hepisxaneyê Cinîyan ê Bakirkoyî. Dadgerê Dadgeha 16ine ê Cezaya Giran ke dewa Gulîstane rayîra berdêne Mehmet Ekîncî zî 28ê çele de endamîya FETO ra ame tepiştiş. Semedo ke hepisxane de dermanê ke Mîrazê rê bi ameyne dayîş, keyeyê Gulîstane 2yê Adare de semedo ke Gulîstane bêro veradayîş ser ê change.org semedo ke Wezaretê Dade rê bieşrawê kampanyaya îmza dabî destpêkerdiş.

	 

	Her çiqas heme hêvî bî ke domano bi nameyê Mîraz û maya xo bêrê veradayîş, 11ê Nîsane de Mîraz û maya xo sirgunê Hepisxaneyê Gebze ameyî kerdiş. Domano Mîraz 7 aşmîyê xo de hepisxane nas kerd nika 17 aşme yo.

	 

	Tirkîya de hepisxanan de xêrcê domano Mîrazî 667 domanê ke hem apitîkê hepisxanan de yenê tepiştiş.

	 

	Milçîk û perperikê ke Mîraz wazeno bivîno û destûr nîno dayîş ke bivîno, hetê maya Mîraz û embazê aye hepisxaneyî, dêsî ameyî xêzkerdiş û kêfweşşîya ke wexto ke Mîraz ê resmî dî, hetê înan ra ame antiş û teberî rê ame eşrawitiş.