Do cinî 11 teşrîna peyêne de bi reng û slogananê xo waran de bê

2017-11-08 14:04:17


	 

	AMED - Semedê mîtîngê ke do 11 teşrîna peyêne de bi rayberîya Meclîsê Cinîyan ê HDP û TJAyî Warê Îstasyonê Amedî de bê û do bi sloganê "Do azadî bi ser ko" bêro viraştiş. Hetê Hemsereka Bajar ê DBPî yê Amedî Ruken Akça ra vengdayîşê beşdarbîyayîşî ame kerdiş. Rûkene va, "Ma do pîya bi veng, hêz û lîlnayîşê xo reng bidê warî."

	 

	Çarçeweya çalakîya 25ê Teşrîna peyêne Roja Têkoşînê Hemverê Şîdetê ser ê Cinîyan, do rayberîya Tevgera Cinîyanê Azad (TJA) û Meclîsê Cinîyan ê Partîya Demokratîkê Şaran  (HDP) 11ê Teşrîna Peyêne de Meydanê Îstasyonê Amedî de bi sloganê, "Do azadî bi ser ko" mîtîng bêro viraştiş. Semedê  mîtîngê ke do Meydanê 5ê Hezîrane (Meydanê Îstasyonî) bêro viraştiş, xebatê cinîyan bê mabên dewam kenê. Cinîyê ke amadekarîyê mîtîngî kenê kuçe bi kuçe, keye bi keye geyrenê û şarî dawetê mîtîngî kenê. Hemsereka Bajêrî DBPî yê Amedî Rûken Akça ke mîyanê xebatê mîtîngî de ca gêna, vengdayîşê beşdarbîyayîşî mîtîngî kerde û va, "Bêrê ma pîya bi veng, hêz û lîlnayîşê xo reng bidê."

	 

	'Ma do rayberîya TJA de mîtîng viraznê'

	 

	Rûkene dîyar kerde ke her roje, Roja Têkoşînê hemverê Şîdetê Cinîyan o û wina va: "Semedo ke ma kiştişê cinîyan vindarnê, ganî ma dest bidê yewbînan û waran de biqîrê. No semed ra ma bi rayberîya TJA û Meclisê Cinîyan ê HDPî de sey BDP û HDPî xebatê xo dewam kenê. Ma do Warê Îstasyonî de 11ê Teşrîna Peyêne de viraznê."