Koçberê Kampa Ebû Xeşebî hêvîye hetkarîye yê 

2017-11-06 13:55:09


	 

	Sorgul Şêxo

	 

	DÊRAZORÊ - Koçberê Dêrezorê ke Kampa Ebû Xeşebî de bi ca bîyê, bi ameyîşê zimistanî dir xeylê zehmetîyan dir rî bi rî manenê. Cinîyê Dêrazorê semedê koçberan vengdayîşî hîsgirî kerdî.

	 

	Koçberê Dêrezorê ke kampa Ebû Xeşeb de bi ca bîyê, bi ameyîşê zimistanî dir xeylê zehmetîyan dir rî bi rî manenê. Cayê Ebû Xeşeb ê girêdayê Dêrezorê nêzdîyê 2 aşman o kampe uca de hetê Meclisê Sivîl yê Dêrezorê ra ameya akerdiş. Bi amancê cakerdiş û hetkarîya koçberan kampe ameya ronayîş.

	 

	Meclîsê Sivîl ê Dêrezorê û Heyva Sor ê Kurdan semedê dermankerdişê halê nêweşî, bi heme îmkananê xo hetkarî koçberan rê kenê. La no qîm nêkeno, ganî dewlete û rêxistinê mîyanneteweyî çimê xo akerê û bi îraadeyê xo wirzê. Îdarekarê Kampa Ebû Xeşeb Sedam Ebûd Ajansê ma rê halê koçberan, zehmetîyêke rî bi rî manenê qalî kerd û va: "Kampa Ebû Xeşebe heme hacetê cuyayîşî rê dûrîya. Ha zimistan ame, vartî yena. Êdî halê ma sey verê nîyo. Hacetê ma yê sey soba, batanî çin ê. Ne werd û ne zî şimitiş esto. Sererastkerdişê xetê awe de problem estê. Ê zî do bêrê çareserkerdiş. Ganî sazgeh û rêxistinê merdiman reyke çimê xo akerê û zehmetîyê koçberan bivînê û no gore ra têbigeyrê."

	 

	Cinîya Koçbere bi nameyê Xedîca Mûsa ke semedê topvaranî çeteyê DAÎŞî û Rêjîmê Baasî koçber bîyê û xo pawito mintiqaya asayîşî hêzê QSDî wina va: "Nêzdîyê 5 rojan ez ameya kampa penaberan. Semedê top û hawanê çeteyê DAÎŞî û Rêjîmê Baasî ra pêwa domananê xo remawa."

	 

	Xedîce ya ke nêweşîya qelbî ci dir esto, veng da dewletê mîyannetewî û rêxistinê merdiman kerd ke, hetkarî înan dir ê nêweşîya aye derman bikerê. Xedîce semedê halê kampe zî wina va: "Mîyanê koçberan de en zêde domanî estê û îhtîyacîya înan bi cil û heme hacetê cuyayîşî estê."