Hîkayeya serkewtişê Mîyase 

2017-11-05 11:14:13


	 

	 

	Gulîstan Azak

	 

	MELETÎ- Mîyase Balta dimayê têkoşînê ke derg dima ra merkezêke weşî akerd bê pere testê weşî kena û no ser amanc kena ke, hetê weşî de şarî bikero wayîrê zanayîşî. Mîyase veng da heme cinîyan ke aye wazena cin aye dir bixebitîyê.

	 

	Cinîya bi nameyê Mîyase Baltaya 28 serr, ke mektebe sereyîn wenda, bi serran xo aver berda û beşdarê kurs û semînerê weşî bî. Mîyase kursan ra sertîfîka girewte û va: "Ewil taxa xo de bera bera ez geyrawa û mi cinîyan rê hetê weşî ser zanayîş da. Dima ra mi qerar da ke ez cayêke akerî. Mi cayêke ke testan bê pere keno akerd.

	 

	Mîyase heme cinîyan ra wazena ke xo aver berê û vana: "Ez her roje serê siba ra domanê xo yê qij gêna verê xo û heta şande kontrolê weşî kena. Her kar merdiman acis keno. La wexto ke merdimî kede bidê û acis bê merdimî kêfweş benê. Kesê ke yenê merkez vernê de testê endeksê bedenî, vindîkerdişê awe û qelbî kena. Dimayê nê çîîyan, prosesê dermankerdişî dest pêkeno."

	 

	Mîyase peynîye qalîkerdişê xo de veng da heme cinîyan û va ke wa fek xeyalanê xo ra vera nêdê.