Mûş de sîyaset cinîyan rê qedexe yo! 

2017-11-04 12:13:46


	 

	Zeynep Turgut

	 

	MÛŞ - Dimayê referandûmî hukûmatî dest bi  operasyonê sîyasî kerd û  bi hezaran îdarekar, xebatkar û parlamenter ameyî tepiştiş. Mûş de kîşte parlamentera HDP Burcu Çelîk Ozkan bi desan xebatkarê HDP, DBP û TJAyî bi minesebetê xebatê cinîyan kerdêne ameyî tepiştiş.

	 

	Kurdîstan de xeylê bajaran de hukûmatî qayyûm tayînî şaredarîyê DBPî kerd. Hedefê qayyûman o bi ke destpêkê kerdişê cinîyan û xebatê cinîyan. Xeylê cayan cinîyê xebatkarî kar ra eşt û xebatê cinîyan hetê qayyûman ra ameyî vindarnayîş. Mûş de cinîyê ke sîyaset kenê yenê tepiştiş. Parlamentera HDPî Burcu Çelîk Ozkan bi desan xebatkarê TJA, HDP û DBP ameyî tepiştiş.

	 

	Sebebê tepiştişê cinîyan winî yo:

	 

	*Parlamentera HDPî yê Mûşî Burcu Çelîk Ozkan 19 Nîsane Mûş de amî tepiştiş. Burcu bi minesebetê ‘Propagandaya rêxistine û hetkarîya rêxistinê’ amî tepiştiş. Burcu hepisxaneyê Sîncanî de yena tepiştiş. 5ê teşrîna peyêne de rûniştişê aye diyîn dozgerîyê Mûşî de bêro vînayîş. 

	 

	*Aktîvîsta TJAyî Gûzel Sarac dimayê referandûmî aşma gulane de amî tepiştiş. Gûzele bi minesebetê xebatê cinîyan kerdê amî tepiştiş. Bi 6 aşmî Gûzele hepisxaneyê Mûşî yê Tîpa E de yena tepiştiş.

	 

	*Semedê Hemsereka HDPî ê qeza Hayrîye Bozyigite xebatê cinîyan sey suc ame vînayîş û bi minesebetê xebatê cinîyan kerda amî tepiştiş. Hayrîye 6 aşmîyo hepisxaneyê Mûşî tîpê E de yena tepiştiş. 

	 

	*Aktîvîsta TJAyî Dîlek Ceylane zî aşma Gulane de bi sebebê xebatê cinîyan amî tepiştiş. Dîleke 6 aşmî Hepisxaneyê Mûşî Tîpê E de ya. 

	 

	*Hemsereka qezaya Gimgimî Necla Ozere bi minesebetê xebatê partî û cinîyan rayîra berdê amî tepiştiş. Necla 6 aşmîyo hepisxaneyê Mûşî Tîpê E de yena tepiştiş.

	 

	*Endama Meclîsê DBPî Mûşerref Dage zî  bi sebebê pêvînayîşê telefonî û eynî wextî de xebatê cinîyan ra amî tepiştiş. Mûşerrefe 6 aşmîyo hepisxaneyê Mûşî Tîpê E de yena tepiştiş.