Hûmara domanê ke hepisxane de bi mayê xo dir manenê zêde benê 

2017-11-02 12:45:05


	Bêrîtan Canozer

	 

	STENBOL - Hûmara domanê ke bi mayê xo dir hepisxaneyan de manenê her ke şino zêde benê. Avûkat Hatîce Korkute va: "Hepisxanen de hetê huqûqî çin o. Pitikê newe ameyê dinya, hewşê koxuşan de bi papulikan şinê. Pêkayê înan ewil, çetale û koçike yê."

	 

	Hema hema her roje 10 cinî bi sucê sîyasî ya zî edlî yenê tepiştiş. Her 10 cinîyan ra hîrê hebî wayîrê domananê û mecbur domanî verê înan de manenê.

	 

	Avûkat Hatîce Korkute da zanayîş ke hepisxanan de domanî prosesê zehmetan ra derbaz benê û va: "Ez bi Gulîstan Dîken Akababa ke hepisxaneyê  Gebze de bi domana xo dir manena, rojêke eynî koxuşe de menda. O wextî ra heta nika çîyêk zî nêvuryaw. Domanî cayê nêbaş de benê pîl. Hepisxaneyî açaryayê koxuşê domanan. Domanê newe ameyê dinya, hewşê hepisxaneyî de papulkan şinê. Pêkayê înan yewin çetale û koçike yê."

	 

	Hatîce da zanayîş ke no hal heme hepisxanan de û hepisxaneyê Bakirkoyî de şert û merc hîna giran ê û wina va: "Semedê domanan bi taybetî zî werd baş nîyê. Werdê ke semedê pîlan yenê, semedê domanan zî yenê. Weşîye domanan verê çiman de nîno girewtiş. Eynî wextî de ganî semedê domanan piştdayîşê psîkîyatrî bêro dayîş. Ganî şert û mercî bêrê başkerdiş."