Kampanyaya 'No winî derbaz nêbeno' do bi hawayoke girs dewam bikero

2017-11-01 13:57:07


	 

	STENBOL - Verfeka Meclîsê Cinîyan ê HDPî Besîme Konca dîyar kerde ke çarçeweya kampanyaya 'Winî derbaz nêbeno, do cinî destûr nêdê' do di hetî ra dewam bikero û va heto bîn derheqê tecrîdê Rayberê PKKî Abdullah Ocalanî ser dewam keno de bibo. Besîme ard ziwan ke di lingî zî do heta 8ê Adare bi hawayêke girs dewam bikero.

	Meclîsê cinîyan ê HDPî 11ê Êlule de bi deklerasyonêke kampanyaya ‘Winî derbaz nêbeno, do cinî destûr nêdê' bi çalakî û bername dewam kenê. Kampanya do heta 25ê Teşrîna peyîne dewam bikero û dima ra zî do hawayêke fîîlî dewam bikero.

	Pêwa astengîyan do na kampanya dewam bikero

	Besîme bale ante serê deklerasyonê aşma Êlule ke ameyo eşkerakerdiş û wina va: "No tarîxî ra heta 25ê teşrîna peyîne ma plan kerdo. Çar bajaran û bi taybetî zî bi beşdar bîyayîşê parlamenteranê ma nobete bi ca ard. La ma rastê hêrişê cidî ameyî. Amed de polîsan ma kerdî binê abluqa. Enqere de eynî çî ame cuyayîş. La Stenbol û Edene de ma bernameyê xo viraşt."

	'Şolenê ke motîvasyonê cinîyan berz kenê'

	Besîme en peynî wina va: "Kampanya do bi di lingan dewam bikero. Prosesê kampanya de do komxebat û kombîyayîş dewam bikerê. Heta 25ê Teşrîna peyîn zî do mîtîngî bibê. Prosesê vernê de bernameyê ke moral û motîvasyonê cinîyan zêde kenê bibê. Heta 8ê Adare do bernameyê ma bi hawayêke girs dewam bikerê."