'Hepsîyê ke ameyî surgunkerdiş hîrê rojî yo vêşan û teyşan hucre de tepişnaye mendî'

2017-11-01 13:52:34


	 

	Medîne Mamedoglu

	MÊRDÎN - Hewteyê verê 26 hepsîyê ke hepisxaneyê Tîpê D yê Amedî de surgunê hepisxaneyê Tîpê L yê Patnosî ê Agirî ameyî kerdiş, cil û belg, kitab û radyoyê înan dest dîyabi ser û hema zî nêameyê dayîş. Hepsîyê ke îşkenceyê cigêrayîşê viran qebul nêkerdî, hîrê rojî vêşan û teyşan hucre de mendî. Nure Terlake dîyar kerde ke ganî her kes veng bidê vengê hepsîyan û bi hîsgêrî tê bigeyrê.

	Hewteyê verî 26 hepsîyê, hepisxaneyê Tîpa D yê Amedî ra surgunê hepisxaneyê Tîpa L yê Patnosî ê Agirî ameyî kerdiş, dekewtişê hepisxaneyî de rastê îşkenceyê cigêrayîşî viran ameybî. Nure Terkaka ke şî pêvînayîşê lajê xo û dîyar kerde ke serê heme hepsîyan de rêçe îşkence dîyê û va ke ganî her kes hemverê nê zulmî veng vejo.

	'Hîrê rojî hucre de mendê'

	Nure ard ziwan ke serê surgunkerdişî de hewteyêke derbaz bîyo, îşkence hema zî dewam keno û wina va: "Wextê surgunî de çîyê ke nêameyê sereyê înan nêmendo. Ez tena semedê lajê xo qalî nêkena. Semedê heme hepsîyan qalî kena. Wexto ke şîyê uca bi rojan rayîr antê. En peynî wexto ke înan berdê hepisxane, cigêrayîşê viranî ra derbaz bîyê. Ne cil û belg û ne zî kitabê înan dayê înan. Dima ra eştê hucre. Hîrê rojî ne nan û ne zî awe dayî înan. Betanî zî nêdayê înan."

	'Ganî heme vengê xo vejê'

	Nure peynîye qalîkerdişê xo de wina va: "Îşkence înan rê ameyo kerdiş, hemverê merdimayî yo û ez veng dana heme merdimê hepsîyan ke hemverê nê zulmî bêveng nêmanê."