
Di cinî, di embazî têkoşînê cuyayîşî danê: Îrem û Hîclale

2017-11-01 13:49:18


	Rojda Aydin

	AMED - Cinîya bi nameyê Îrem Bîlgîya ke bi waye xo Hîclale dir semedo ke xo fermanê camêrdan xelas bikerê, têkoşînê cuyayîşî danê. Îrem û Hîclale semedo ke serê linganê xo de vinderê, cayêke bi nameyê "Keyeyê ma" akerdê û werdê ke bi destan yenê viraştiş viraznenê.

	Cinîyê ke verê hetê keyan ra bi zor ameyî zewicnayîş, nika semedo ke serê linganê xo de vinderê têkoşînê cuyayîşî danê. Cinîya 51 serrî Îrem Bîlgîya ke maya 9 domanan a aye û waye xo Hîclale bi eslê xo Deştê (Bismil) ra yê, bi emrê qij de 14 serrîya xo de bi zor hetê keyeyê xo ra ameyî zewicnayîş. Îrem û Hîclale nika semedo ke mihtacê camêrdan nêbê, rayîrê xo rayîrê camêrdan ra visnayê û semedo keserê linganê xo de vinderê têkoşînê cuyayîşî danê. Îreme va ke înan eêrê xo yê&nbsp; qij de çîyêk zî nêkerdê, tim binê fermanê camêrdan de mendê û loma nêeşkayê têkoşînê cuyayîşî bidê. Nika zî qerar danê ke xo binê fermnaê camêrdan ra xelas bikerê û rayîrê xo xêz bikerê. Îreme ard ziwan ke nika semedê ke rayîrê xo xêz bikerê qerar dayî pîya bixebitîyê. Îrem û Hîclale fikrîyayê ke karêke senîn bikerê û dima ra fikrê viraştişê werdê bi destê înan kewtê vîrê înan. No semed ra zî xo rê cayê ke bi nameyê "Keyeyê Ma" akerdê.

	'Kede zehmetî wazena'

	Îreme ard ziwan ke waya xo dir cayê "Keyeyê Ma" akerdê û wina va: "Semedo ke Amed de xeylê ciwanî bê kar mendê, ma qerar da ke ciwanî ma dir bixebitîyê. Her çiqas karê ma baş nêbo zî, ma hewl danê ke baş bo. Ma bi xo bawer ê ke &nbsp;werdê zaf weşan viraznê û bi no karî debara xo bikerê. Semedo ke merdim heta zehmetî nêvîno, nêeşkeno serkewte bibo. Semedo ke kede zehmetî wazena. No semed ra ma werd bi destê xo viraznenê. Werdê sey; Tirş (Guveç), Kuftik, Birinc, Selete, Mehîre, Nano qat qat qîymeyîn, kartol û penîr viraznenê. Eke muşterî werdê cîya biwazê, ma do werdê xo yê zêde bikerê."

	'Warekna mi no karî 10 serrî verê bikerdêne'

	Îreme dîyar kerde ke keda cinîyan zaf girîng a û semedo ke heqê înan nêro werdiş ganî bixebitîyê û wina va: "Warekna mi no karî 10 serrî verê bikerdêne. Pêşnîya rê mi cinîyan rê o yo ke wirzê serê linganî bixebitîyê û kede destê xo mojnê ra. Semedê cinîyan ti kar zehmet nîyo, cinî eşkena her karî bikero."

	'Camêrdan kede cinîyan nêvîna ya zî dest dayî serê kede înan'

	Îreme peynîye qalîkerdişê xo de wina va: "Wextê verê de her wext cinî zêde xebityenê û îmkanî verê çin bî. Cinîyan hem keye kerdêne û hetêk bîn ra zî xebityayne. La reyna zî camêrdan kede cinîyan nêdîne, ya zî serê kede înan de niştêne ro. No semed ra cinîher wext binê fermanê camêrdan de mendêne. Û nika&nbsp;