'Wa yê ke nê emrî de mi layîqê tîya dîyî şerm bikerî'

2017-10-27 09:21:38


	 

	
		Fîlîz Zeyrek


	 

	MÊRSÎN - Zîndanê Tirkîya û yê Kurdistanî de zext û tedayî her ke şono gird benî. Nê zîndanan ra yê ke tewr zaf no het de yenî rojeve ra yewe zî Zîndanê Tîpa Tyî yê Tarsusî yo. 

	 

	Avûkate Sebahat Gençtarîhe şîye zîndanê Tarsusî û hepsîyan reyde pêvînayîşî viraştî. Gençtarîhe zîndan de hepsîye Sîsê Bîngola 78 serreyî reyde pêvînayîş viraşte. Avûkate derheqê rewşa Dayîka Sîsêye de melumat daye. 

	 

	Sebahate va ‘Dayîka Sîsê 3 rojî bi wesayîtê rîngî Mûş ra surginê Tarsusî bîya’ û wina dewam kerde: “Dayîka Sîsê bi şûşeya awe ameybî pêvînayîş. Seba ke fekê aye zaf ziwa beno, nêweşîyê aye yê tansîyono berz, qelb û rayîrê îdrarî zêde bîyî. Reyna dejan ver nêşîna rakewa. Wexto ke Mûş ra surgin bîya, eşyayê aye nêdîyayo aye. Nika seba ke nêşêna ti lazimîya xo pê bîyara, bi hetkarîya embazanê xo kar kena.”

	 

	Wa ê şerm bikerî

	 

	Sebahate dîyar kerde ke Dayîka Sîsê wextê surginî de zaf dejî antî û wina va: “Bi saetan mîyanê rîngî de vindarnayî û qet aye reyde eleqeder nêbîyî. Wexto ke Dayîka Sîsê nînan va, çimê aye pire hesirî bîyî. Dayîka Sîsê vatbî ‘yê ke mi layîqê nê cayan vînenî, wa xo ra şerm bikerî. Ganî ez amelîyat biba, qesebayanê mi de birîne virazîyaya. Labelê doktorî va ti nêşêna wedarna’. Lazim o seba Dayîka Sîsê ma heme têkoşîn bidî.”

	 

	Zext û tedayî dewam kenî

	 

	Sebahate dewamê qiseykerdişê xo de wina va: “Îdareyê Zîndanî cilê tek tîpî dana ferzkerdiş, hepsîyî zî xover danî. Koguşanê 9 kesan de 18 kesî manenî. Keyeyê ke yenî pêvînayîşî ser de zî zextî yenî kerdiş. Heto bîn ra domanêko 17 serreyî raştê sehnayîşo rût ameyo. Problemê awa şimitişî ya hepsîyan çareser nêbîya. Zîndan de hûmara bebek û domanan xeylê zêde ya. Lazimîyê hepsîyan nêdîyeno înan. Seba domanan çîyêk nêdîyeno.”