Cinîyê Kobanî bi zebeşan debara xo kenê

2017-10-26 11:36:12


	 

	Rogistan Hacî

	 

	KOBANÊ - Cinîyê Kantonê Kobanê dest bi komkerdişê zebeşan kerdî, semedo ke bieşkê debara keyeyê xo bikerê.

	 

	Cinîyê dewa Zêrike ê Rojawanê Kobanî semedo ke debara xo bikerê û domannaê xo wey bikerê, dest bi komkerdişê zebeşan kerdî. Cinîyê ke semedê debara keyeyê xo bikerê, zebeşan kom kenê û hîsê xo yê derheqê komkerdişê zebeşan de ajansê ma rê pare kerdî.

	 

	Bi ramitiş ma debara keyeyê xo kenê

	 

	Cîhan Mistefa derheqê ramitişê hêgayan de dîyar kerde ke kede cinîyan zaf erjîyayeya û ê semedê ke kede înan komelî aver bero hewl danê û wina va: "Ma her serre mîyanê hêga de xebityenê. Ma her serre peme, gilgil, kuncî û zebaşan ramnenê û debara keyeyê xo kenê. Semedo ke ma kede xo pawenê ma kêfweş ê. Semedo ke ma nê ewnîyenê destê yewê bînî ra û ma hewl danê ke bixebitîyê, ma ser berz ê. Semedo ke ma serê herre welatê xo de kede xo rê wayîr vejênê, ma kêfweş ê. Herra welatî zaf şîrîn a. Ma girîngîyêke pîl danê xebata xo."

	 

	Weşkerdişê bajarê  ma, ma sere berz keno

	 

	Eynî wextî de Wehbê Temo zî qalê ked û kêfweşîşya xo serê herre kerd û va: "Wexto ke ez serê siba kar û barê xo yê keyeyî qedênena, ez verê xo dana mîyanê hêgayê zebeşan û heta saetê şanî xebityena. Zaf acis bena la reyna zî kêfweş a ke serê herre xo de xebityena. Bi weşikkerdişê bajarê xo ma sere berz ê."

	 

	Cinî wayîrê kedêke bi rûmet a

	 

	Wehbêye peynîye qalîkerdişê xo de wina va: "Ma hemverê dişminanê xo lebatêke erjîyaye kerd û ma nêverda ke herre ma îşgal bikerê. Nika ma serê herre xo de bi hawayêke azad cuyenê û kede xo rê wayîr vejênê. Hêvîye mi a ya ke azadî, aramî û aştî her wext bi rîyê merdiman bihewê.