
'Têkoşer Berîtane roşnîya rayîrê azadî ya'

2017-10-24 14:27:51


	&nbsp;

	Orîvan Mustefa

	EFRÎN - Semedê 25ine sergerra çalakîye Têkoşer Berîtane, Îdarekerdoxê Kongra Star Roşîn Îbo û Hêvîn Tarî, &nbsp;Bêrîtane û heme cangorîyê Azadî bi rêzdarî ardî xo vîr û sozê takîbkerdişê rayîrê ke bi xoverdayîşê xo roşn kerdê dayî.

	Îdarekarê Kongreya Star Roşîn Îbo û Hêvîn Tarî, Têkoşer &nbsp;Berîtane 25ine sergerra çalakîya aye de, ardî xo vîr. Roşîn Îbo bale ant ser xoverdayîşê Berîtane û wina va: "Sere de ez embaz Bêrîtane ana xo vîr û xoverdayîşê Bêrîtane, semedê têkoşînê cinîya kurd gamêke tarîxî bi. Berîtane bi çalakîya xo felsefeyê cinîya azade hemverê îxanetî û xayînan bi ca ard û bi berpirsyarîyêke pîl şerê rûmet û xoverdayîşî da. Ewro şerê ke têkoşerê azadî her çar parçeyê Kurdistanî de dewam kenê. Çimeyê xo bêşik xoverdayîş û hêzê xoverdayoxe &nbsp;xo Bêrîtane ra girewtê."

	'Îradeyê xurt heme çî bi serkewte keno'

	Roşîn Îbo hêz û îradeyê Berîtane ard vîr û wina va: "Dişmin her wext wazeno, hêzê cinî bipelçiqno, la Berîtane bi xoverdayîşê xo îradeyê cinîya azade îspat kerde. Cinî bi xoverdayîşê embaz Bêrîtane wiştî we, ma qetî têkoşer Berîtane xo vîr ra nêkenê."

	Roşîne ard ziwan ke têkoşer Berîtane bi xoverdayîşê xo rayîrê azadî heme cinîyê dinya rê kerdo roşn û qiseykerdişê x o winî qedêna: "Şehîd Bêrîtane do her wext nimûneya cinîya xoverdayîşî û azadî bo. Ma do her wext serê rayîrê embaze Berîtane de bê."

	'Berîtane bi çalakîya xo bi roşnîya azadî'

	Îdarekara Kongreya Starî ê merkezî Hêvîn Tarî zî da zanayîş ke bi xoverdayîşê têkoşer Berîtane êdî cinîyan xo û îradeyê xo nas kerd û bawerîya cinîyan înan rê zêde bi. Hêvîne dewamê qalîkerdişê xo de wina va: "Bêrîtane hemverê îxanetê PDKî xo teslîm nêkerd û xeta azadî de bî. Dimayê şehadetê embaz Bêrîtane êdî cinî wiştî we û bi îrade xo ver danê."

	'Berîtane îradeyê ke nîno şiktiş bî'

	Hêvîne dewamê qalîkerdişê xo de va ke cinî serê felsefeyê xoverdayîşê Berîtane pîl benê û wina va: "Cinîyê ke bi felsefeyê Berîtane pîl bî ewro Rojhelato Mîyanîn de heme sazgeh û waran de rolêke sereyîn kay kenê. Cinî karo xoser û karê hembeş semedê munayîşê ameyoxê azad ê komelî kenê."

	Hêvîne peynîye qalîkerdişê xo de dîyar kerde ke xoberdayîşê erjaya Berîtane bi rêzdar ana xo vîr û wina va: "Ma sey takîbkerdoxê Berîtane soz danê ke ma do xoverdayîşê aye cayo ke mendo dewam bikerê."

	&nbsp;