Muxabirê ma Duygu û Habîbe serbest ameyî veradayîş

2017-10-23 14:56:49


	 

	ANQARA- Embazê ma yê muxabirî ke ameybî tepiştiş Duygu Erol û Habîbe Erene dimayê îfadeyê dozgerî serbest ameyî veradayîş.

	Anqara de 20 teşrîna verêne de polîsan eştib ser û bi sebebê 'îxbar esto' embazê ma muxabirî Duygu Erol û Habîbe Erene ameybî tepiştiş, ewro îfadeyê xo dozgerî de dayî. Dimayê îfadeyê dozgerî Habîbe serbest amî verdayîş û  Duygu zî bi şertê kontrolê edlî serbest amî veradayîş.

	Heto bîn ra edîtore ma Sîbel Yuklere û muxabirê ajansê Mezepotamya Dîren Yurtsever û Selman Guzelyuz zî bi eynî sucdarkerdişî ameybî tepiştiş, îfadeyê înan emnîyet de amebi girewtiş û dima ra serbest ameybî veradayîş.