KJACD: Cinîyê Kurdan her wext têkoşer ê

2017-10-23 12:21:23


	 

	DIRBESIYE - Komîteyê cinîyan ê Akademîyê Komelê Demokratîk derheqê prosesî û serkewtişê Kurdan ê kedkar û şorişgiran de ewnîyayîşê xo ard ziwan.

	 

	Komîteyê cinîyan ê Akademîyê Komelê Demokratîk derheqê proses û kede cinîyan de ewnîyayîşê xo ardî ziwan:

	 

	No termîno en giran de sey ke yeno zanayîş, hêzê nîjadperetî Rojhelatê Mîyanîn de, şerê dinya 3ine de hetê vatiş û kerdiş de caardişan kenê. Her çar hetê war û dewanê ma reyna nîjadperestê rejîmê Iraqî,Îranê û komara Tirkîya bi hereketêke leşkerî, dest bi hêrişê çinkerdişî û dagirkerdişî kerdê. La her çiqasa talan serê dewe û warê ma de bikerê, ma zî hemverê nê têkoşîn bikerê. Ma sey cinîyê Kurdan wayîrê vîr û bawerîye felsefeyê azad ê Rayberê Şarê Kurd Abdullah Ocalanî yê. No semed ra cinîyê Kurdî her wext têkoşer ê. Her çiqasa fîtne û bêbextî hetê neyaran ra bêro kerdiş zî ma cinî her wext têkoşîn kenê.

	 

	Ma waşt ma zî bibê parçeyêke awankerdişê warê cinîyê azadîwaştan

	 

	Cinîyê azadîwaştî tena meydanê şerî de nê, mîyanê temamê cuyayîşê komelî de wayîrê vindertiş û wayîrê cigîrayîşî yê. Bi felsefeyê cinîya azad hemverê zîhnîyetê talankerdiş û zaliman derst bi awankerdişê newe dayî kerdiş û serê nê esasî de warê cinîyan bi ked û roşnîyê cinîyan semedê ameyoxê cinîyan yeno kerdiş JÎNWAR! Jînwar mîyanê kelegermê sîyasî leşkerî de xebatanê xo bi hêrsê heyfgirewtişî, rejîmê tecawîzkar û talankerdoxan ra xebatê xo dewam kenê. Ma zî sey Komîteyê cinîyan ê Akademîyê Komela Demokratîk ma rojêke xo na xebate rê amade kerd û ma waşt ke ma zî nê rojê tarîxîyan ra nêmanê. Baş yeno zanayîş ke na herre ma bi gonî û bi araqê merdiman amî pawitiş û ma ewro warê cinîyan ser de awan kenê. No çî çîyêke rêze nîyo, Semedo ke ma ferqê nê rojê giranvay de yê ke ma waşt tay bo zî kede ma mîyanê na herre JÎNWAR de bibo. Semedo ke manaya xo hetê merdiman de zaf qîmetîn a. Ma waşt ma zî bibê parçeyêke awankerdişê warê cinîyê azadîwaştan.